اسكەري-تەڭىز كۇشتەرىنىڭ جەكە قۇرامى قازاقستان رەسپۋبليكاسى پرەزيدەنتىنىڭ 1993 جىلعى 19 قاڭتارداعى № 1084 جارلىعىنا سايكەس قر قك كومانديرلەردىڭ (باستىقتاردىڭ) تاربيە جانە الەۋمەتتىك-قۇقىقتىق جۇمىستار بويىنشا ورىنباسارلارى ينستيتۋتى قۇرىلعان كۇنىنە 28 جىل تولۋىنا ارنالعان سالتاناتتى جيىن وتكىزدى, دەپ حابارلايدى اقتاۋ گارنيزونى ءباسپاسوز قىزمەتى.
وسىعان وراي, 2021 جىلى 19 قاڭتار كۇنى اسكەري-تەڭىز كۇشتەرىنىڭ باعىنىشتى بولىمدەرى مەن بولىمشەلەرى جانە كەمە كومانديرلەرىنىڭ تاربيە جانە يدەولوگيالىق جۇمىستار جونىندەگى ورىنباسارلارىنىڭ قاتىسۋىمەن سالتاناتتى جيىن ۇيىمداستىرىلدى.
سالتاناتتى جيىن بارىسىندا قاتىسۋشىلارعا قارۋلى كۇشتەرىمىزدىڭ, ونىڭ ىشىندە تاربيەشى-يدەولوگ وفيتسەرلەر ينستيتۋتىنىڭ تاريحى تانىستىرىلىپ, دامۋ تاريحىنا ات سالىسقان الدىڭعى بۋىن اعا وفيتسەرلەردىڭ ەڭبەكتەرى بەينە ماتەريالدا كورسەتىلدى.
سونىمەن قاتار تاربيە جانە يدەولوگيالىق جۇمىستاردىڭ ءار الۋان سالالارى بويىنشا, ياعني جەكە قۇرامدى پسيحولوگيالىق دايىندىق, اسكەري ءتارتىپ پەن يدەولوگيالىق جۇمىستاردىڭ باعىتتارى بويىنشا باياندامالار وقىلدى. ونىڭ ۇستىنە قىزمەتى سان قىرلى بولىپ كەلەتىن اسكەري-تەڭىز كۇشتەرىندەگى تاربيە جانە يدەولوگيالىق جۇمىستى ۇيىمداستىرۋدىڭ ەرەكشەلىكتەرى مەن قازىرگى زامان تالابىنا ساي شەشۋىن تاباتىن ءتۇيىندى ماسەلەلەر قاراستىرىلدى.
جيىن بارىسىندا 29011 اسكەري ءبولىمىنىڭ كومانديرى 2 دارەجەلى كاپيتان دانيار حايرۋشەۆ «تارتىپكە باعىنعان قۇل بولمايدى» - دەپ باتىر باۋىرجان مومىش ۇلى اتامىزدىڭ ءسوزىن كەلتىرە وتىرىپ, جاۋىنگەرلىك دايىندىقتى جوعارى ۇستاۋ ءۇشىن اسكەري ءتارتىپتىڭ مىقتى بولۋىنىڭ ماڭىزىن ايتا كەتىپ, قىزمەت بارىسىندا ىنتا-جىگەرى مەن ۇلگىلى ءتارتىبى ءۇشىن كوزگە تۇسكەن تاربيەشى-يدەولوگ وفيتسەرلەردى باعالى سىيلىقتار جانە ماداقتامالارمەن ماراپاتتادى.
سالتاناتتى جيىن سوڭى ۇلى ويشىل اباي قۇنانباەۆتىڭ 175 جىلدىعىنا ارنالعان ءىس-شارامەن ۇلاسىپ, بارلىق سانيتارلىق-ەپيدەميالوگيالىق شارالارىمەن تالاپتارىن ساقتاي وتىرىپ نۇرمۇحان ءجانتورين اتىنداعى ماڭعىستاۋ وبلىستىق مۋزىكالىق دراما تەاترىندا وتكەن «قۇنانباي مەن اباي» سىرلاسۋ اتتى سپەكتاكلدىڭ پرەمەراسىن تاماشالادى.