حالىقارالىق وليمپيادا كوميتەتىنىڭ پرەزيدەنتى توماس باح توكيوداعى جازعى ويىنداردىڭ وتپەي قالۋى نەمەسە اۋىستىرىلۋى مۇلدە تالقىلانبايتىنىن ايتتى. بۇل تۋرالى حوك پرەزيدەنتى جاپوننىڭ كيودو اگەنتتىگىنە بەرگەن سۇحباتىندا ايتقان دەپ جازادى Olympic.kz.
«23 شىلدە كۇنى توكيوداعى وليمپيادالىق ستاديوندا وليمپيادا ويىندارىنىڭ اشىلۋ سالتاناتى وتپەيدى دەپ ايتۋعا ەش نەگىز جوق. سول سەبەپتى, قانداي دا ءبىر ارتىق جوسپار دا جوق. ءبىز ويىندى ءوز مەرزىمىندە تابىستى ءارى قاۋىپسىز ەتىپ وتكىزۋدى كوزدەپ وتىرمىز», - دەيدى باح.
سونداي-اق, حالىقارالىق وليمپيادا كوميتەتىنىڭ باسشىسى ۇيىمداستىرۋشىلار ءۇشىن ەڭ ۇلكەن مىندەت – قاتىسۋشىلاردىڭ قاۋىپسىزدىگى ەكەنىن ايتقان. سونداي-اق, باح مىرزا ويىنعا كەلەتىن كورەرمەندەر سانى ازايۋى مۇمكىن ەكەندىگىن, ءتىپتى, وليپيادانى جانكۇيەرسىز وتكىزۋ قاۋپى بار ەكەنىن مالىمدەدى.
ايتا كەتەلىك, توكيو وليمپياداسى 2020 جىلدىڭ 24 شىلدەسى مەن 9 تامىزى ارالىعىندا ءوتۋى ءتيىس بولاتىن. الايدا, عالامدىق پاندەمياعا بايلانىستى ويىن 2021 جىلدىڭ 23 شىلدەسى مەن 8 تامىزى ارالىعىنا اۋىستىرىلدى.