قاراعاندىلىق پوليتسەيلەر تانىسىنىڭ قۇنى شامامەن ميلليون تەڭگە تۇراتىن مۇلكى مەن اقشاسىن الىپ كەتكەن ۇرىنى ۇستادى, – دەپ حابارلايدى Polisia.kz.
وتكەن جىلدىڭ 27 جەلتوقسانىندا تەمىرتاۋ قالاسىنىڭ شىعىس پوليتسيا بولىمىنە 49 جاستاعى جەرگىلىكتى تۇرعىن جۇگىنگەن. جابىرلەنۋشى ايەل ءوز مالىمدەمەسىندە جاقىندا تانىسقان ەر ادامنىڭ ونىڭ پاتەرىنەن كۇزەن ىشىگى مەن قۇنى 600 مىڭ تەڭگەدەن اساتىن التىن بۇيىمدارىن الىپ كەتكەنىن جانە ونىڭ ۇيالى تەلەفونىنداعى بانكتىڭ قوسىمشاسىن پايدالانىپ, بەلگىسىز شوتقا 200 000 تەڭگەدەن استام اقشا اۋدارىپ العانى تۋرالى ايتىپ شاعىمداندى.
بۇل فاكت بويىنشا قازاقستان رەسپۋبليكاسى قىلمىستىق كودەكسىنىڭ 188-بابىمەن (ۇرلىق) بويىنشا قىلمىستىق ءىس قوزعالدى. پوليتسيا قىزمەتكەرلەرى ءمان-جايدى ناقتىلاۋ كەزىندە جابىرلەنۋشى ايەلدىڭ بۇل اداممەن تانىسۋ سايتىندا تانىسقانىن انىقتادى. ايەلدىڭ جۇرەگىنە جول تابۋدى شەبەر مەڭگەرگەن كۇدىكتى ونىڭ سەنىمىنە كىرگەن.
20 قاڭتاردا تەمىرتاۋ قالاسىنىڭ پوليتسەيلەرى وسى قىلمىستى جاساعان 48 جاستاعى ەر ادامدى ۇستادى. كۇدىكتى كىناسىن مويىنداپ, ۇرلانعان زاتتار يەسىنە قايتارىلدى.