بۇگىن, 21 قاڭتاردا وتكەن «AntikorNews» ونلاين بريفينگى بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ سەرىكتەستىك دەپارتامەنتى ديرەكتورىنىڭ ورىنباسارى پەريزات سادۋاقاس اگەنتتىكتىڭ 2020 جىلى ءساۋىر ايىنان باستاپ ەكسكليۋزيۆتى كونتەنتى بار «AntikorNews» اتتى ەرەكشە مەديا-جوباسىن ىسكە قوسقانىن مالىمدەدى, دەپ حابارلايدى Egemen.kz
«AntikorNews» اگەنتتىكتىڭ باق-پەن جانە جۇرتشىلىقپەن ءوزارا ءىس-قيمىلىنىڭ ماڭىزدى قۇرالى رەتىندە سىبايلاس جەمقورلىققا قارسى كونتەنتتىڭ ۇزدىكسىز ونلاين كورسەتىلىمىن قامتاماسىز ەتىپ, سونداي-اق انتيكور قىزمەتىنىڭ ناتيجەلەرى مەن باسىمدىقتارى تۋرالى جەدەل حابارلايدى.
پ.سادۋاقاستىڭ ايتۋىنشا, مەملەكەتتىك جانە ورىس تىلىندەگى «AntikorNews» جاڭالىقتارى الدىن الۋ شارالارىنا, سىبايلاس جەمقورلىققا قارسى زاڭناماعا, اگەنتتىكتىڭ قوعامدىق الاڭداعى جۇمىسىنا قاتىستى ماسەلەلەردىڭ كەڭ اۋقىمىن قامتيدى (مىسالى, «ادالدىق الاڭى», ارنايى مونيتورينگ توبى, رەسپۋبليكالىق اقپاراتتىق-اعارتۋ شتابى, «ساپالى جول», «اشىق بيۋدجەتتەردىڭ ينتەراكتيۆتى كارتاسى», «ادال كومەك», «سانالى ۇرپاق» جانە ت.ب.).
ول اپتا سايىن اگەنتتىكتىڭ رەسمي سايتىندا جانە الەۋمەتتىك جەلىلەردەگى اككاۋنتتارىندا جاريالانىپ, وڭىردەگى بارلىق تەلەارنالاردان كورسەتىلەدى.
2020 جىلى ورتالىق اپپارات سىبايلاس جەمقورلىقتىڭ قىزمەتىنە تۋرالى «AntikorNews»-ءتىڭ 40 شىعارىلىمىن, اۋماقتىق دەپارتامەنتتەر 650 شىعارىلىمىن ازىرلەدى.
سپيكەر بۇل جوبانىڭ ازعانا ۋاقىت ارالىعىندا ناتيجە بەرىپ, سۇرانىسقا يە بولعانىن, ونىڭ تۇجىرىمداماسىنا ءتىپتى يوردانيا كورولدىگىنىڭ سىبايلاس جەمقورلىققا قارسى كوميسسياسىنىڭ قىزىعۋشىلىق تانىتىپ, ءوز ۆەدومستۆولارىندا وسىنداي جوبانى ەنگىزۋدى جوسپارلاپ جاتقاندىعىن ەرەكشە اتاپ ءوتتى.
«سونداي-اق «AntikorNews» جوباسىنىڭ اياسىندا 60-قا جۋىق بريفينگ وتكىزىلىپ, 130-عا جۋىق جەدەل ءتۇسىرىلىم جانە باق-تا 6,2 مىڭنان استام ماتەريال جاريالاندى. سىبايلاس جەمقورلىققا قارسى وزەكتى تاقىرىپتار بويىنشا اۋماقتىق دەپارتامەنتتەر دە اپتا سايىن وزدەرىنىڭ ءباسپاسوز بريفينگتەرىن ۇيىمداستىردى. بىلتىر 800-دەن اسا سپيكەردىڭ, سونداي-اق وبلىس اكىمدەرىنىڭ (98 شارا) قاتىسۋىمەن 587 بريفينگ وتكىزىلدى», دەدى پەريزات سادۋاقاس.