كەشە «نۇر وتان» پارتياسىنىڭ ورتالىق اپپاراتىندا ماجىلىستەگى وسى پارتيا فراكتسياسىنىڭ جانىنداعى وڭىرلىك ساياسات جانە ماسليحاتتارمەن جۇمىس جونىندەگى كەڭەسىنىڭ «ەڭبەك داۋلارىنىڭ الدىن الۋ جانە ولاردى شەشۋ ماسەلەلەرى بويىنشا قولدانىستاعى زاڭنامانى جەتىلدىرۋ تۋرالى» تاقىرىبىندا دوڭگەلەك ۇستەل بولىپ ءوتتى.
كەشە «نۇر وتان» پارتياسىنىڭ ورتالىق اپپاراتىندا ماجىلىستەگى وسى پارتيا فراكتسياسىنىڭ جانىنداعى وڭىرلىك ساياسات جانە ماسليحاتتارمەن جۇمىس جونىندەگى كەڭەسىنىڭ «ەڭبەك داۋلارىنىڭ الدىن الۋ جانە ولاردى شەشۋ ماسەلەلەرى بويىنشا قولدانىستاعى زاڭنامانى جەتىلدىرۋ تۋرالى» تاقىرىبىندا دوڭگەلەك ۇستەل بولىپ ءوتتى.
اتالعان شاراعا فراكتسيانىڭ مۇشەلەرى مەن باسشىلارى, جوعارعى سوتتىڭ, باس پروكۋراتۋرانىڭ, ەڭبەك جانە حالىقتى الەۋمەتتىك قورعاۋ مينيسترلىگىنىڭ, مۇناي جانە گاز مينيسترلىگىنىڭ, وبلىستىق ءماسليحاتتاردىڭ, كاسىپوداقتاردىڭ جانە بۇقارالىق اقپارات قۇرالدارىنىڭ وكىلدەرى قاتىستى. دوڭگەلەك ۇستەلدىڭ ماقساتى, قولدانىستاعى ەڭبەك زاڭناماسىن جەتىلدىرۋ, كەمشىلىكتەر مەن كولليزيالاردى جويۋ جونىندەگى ۇسىنىستاردى جاساۋ, ەڭبەك داۋلارىنىڭ الدىن الۋدىڭ جانە شەشۋدىڭ ءتيىمدى جۇيەسىن قالىپتاستىرۋ بولدى.
شارانى كەڭەس ءتورايىمى, ءماجىلىس دەپۋتاتى گۇلنار سەيىتماعانبەتوۆا ءسوز سويلەپ اشتى. قۇقىقتىق بازاداعى ولقىلىقتاردان بۇگىنگى تاڭدا قولدانىستاعى زاڭنامامىز ەڭبەك قاتىناستارىنىڭ دەڭگەيىن تولىقتاي قامتاماسىز ەتە الماۋدا, دەگەن دەپۋتات سونىڭ كەسىرىنەن ەڭبەك داۋلارىنىڭ, جانجالداردىڭ بولۋى, كەي جاعدايدا ولاردىڭ ۇزاق مەرزىمگە سوزىلۋى ءجيى كەزدەسەتىندىگىنە توقتالدى.
كەلتىرىلگەن مالىمەتتەرگە قاراعاندا, 2011-2012 جىلدار ارالىعىندا ەلىمىزدە 35-كە تارتا ەڭبەك داۋى ورىن الىپتى. ال بيىلدىڭ وزىندە مۇنداي نارازىلىق اكتسيالارىنىڭ سانى 27-گە جەتكەن. ەڭبەك جانجالدارىنىڭ بارلىعىن سارالاعاندا, 57 پايىزى جالاقىنىڭ مەزگىلىندە تولەنبەۋىنە قاتىستى بولسا, 40 پايىزى جالاقىنىڭ مولشەرىنە, ال 3 پايىزى, ياعني بىرەۋى كاسىپورىن جۇمىسىنىڭ توقتاپ قالۋىنا بايلانىستى ەڭبەك شارتتارىنىڭ بۇزىلۋىنا قاتىستى بولعان. ەكونوميكادا مەملەكەتتىك ەمەس سەكتورلاردىڭ ۇلعايۋى, جۇمىسكەرلەردىڭ وزدەرىنىڭ قۇقىعىن تولىق بىلۋگە ۇمتىلىسى مەن ونى قورعاۋ قاجەتتىلىگى ەڭبەك داۋلارىنا ۇلاسۋدا.
دەپۋتاتتار بۇل رەتتە جۇمىسشىمەن مىندەتتى ءتۇردە ەڭبەك شارتىنا وتىرۋ, ەڭبەكاقىنى ۋاقتىلى تولەۋ, ەڭبەك قاۋىپسىزدىگىن زاڭمەن رەتتەۋ جانە ونى بۇزعانى ءۇشىن جاۋاپكەرشىلىكتى كۇشەيتۋ ماسەلەسىن وتكىر قويدى. اسىرەسە, ساقتاندىرۋ كومپانيالارى تاراپىنان وندىرىستە زارداپ شەككەن جۇمىسشىعا ءتيىستى تولەنۋى ءتيىس تولەمدەردى جۇزەگە اسىرماعانى ءۇشىن جاۋاپكەرشىلىك قاراستىرۋعا, ءارتۇرلى ەڭبەك داۋلارى سوتقا دەيىنگى مەدياتسيا تاسىلدەرىن قولدانۋ ارقىلى شەشۋگە زاڭدىق تەتىكتەردىڭ قاجەتتىگى باسا ايتىلدى. ەڭبەكاقى تولەۋدەگى زاڭسىزدىقتار سالدارىنان جۇمىسشى مەن جۇمىس بەرۋشى اراسىنداعى جەرگىلىكتى داۋلار كۇردەلەنىپ, جانجالدارعا, ءتىپتى ەرەۋىلدەرگە ۇلاسىپ جاتادى.
كەڭەس ءتورايىمى كوپتەگەن جۇمىس بەرۋشىلەر ۇشجاقتى كەلىسىمدەردى ۇسىنىم رەتىندە قاراپ, ونى ورىنداۋ قاجەتتىگىنە نازار قويماي وتىرعاندىعىنا قىنجىلىس ءبىلدىردى. بۇل تۇرعىدا كەلىسىمگە قاتىسۋشىلارعا, اسىرەسە, جۇمىس بەرۋشىلەرگە قاتىستى اكىمشىلىك, ءتىپتى, قىلمىستىق جاۋاپكەرشىلىك نورمالارىن زاڭ جۇزىندە ايقىنداپ بەكىتۋ قاجەتتىلىگى تۋىندايدى, دەدى گۇلنار سۇلەيمەنقىزى.
سونداي-اق, دوڭگەلەك ۇستەلدە ەڭبەك داۋلارىنىڭ الدىن الۋ جانە ولاردى شەشۋ بويىنشا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ك.ءابساتتاروۆ جان-جاقتى بايانداپ بەرسە, جوعارعى سوت سۋدياسى ە.سمايىلوۆ ەڭبەك داۋلارى بويىنشا سوت تاجىريبەسىنىڭ جيناقتالعان اقپاراتتارىمەن ءبولىستى. بۇدان باسقا, بىرنەشە شەشەن ءسوز الىپ, ەڭبەك داۋلارىن شەشۋ جۇيەسىن جەتىلدىرۋگە قاتىستى وي-پىكىرلەرىمەن ءبولىستى. سونىڭ ىشىندە بيزنەستى, ەڭبەك ناتيجەسىنە جۇمىسكەردى ىنتالاندىرۋعا تۇراقتى قۇقىقتىق بازا تالاپ ەتىلەتىندىگى دە اتاپ ايتىلدى.
تالقىلاۋ قورىتىندىسى بويىنشا ۇكىمەت پەن پارلامەنت دەپۋتاتتارىنا زاڭدىلىق باستاماشى قۇقىعىنىڭ يەگەرلەرى رەتىندە ۇسىنىمدار قابىلداندى. جانە دە بىرقاتار مينيسترلىكتەرگە, سوت اكىمشىلىگى جونىندەگى كوميتەتكە ەڭبەك داۋلارىن بولدىرماۋدىڭ تەتىكتەرىن ازىرلەۋ جونىندەگى ۇسىنىستار دا ايتىلماي قالمادى.
اسقار تۇراپباي ۇلى,
«ەگەمەن قازاقستان».