تۇركىستان وبلىسى جەتىساي اۋدانىنىڭ ديقاندارى ەگىستىك القاپتارىنداعى جۇمىستارىن باستاپ كەتتى. ەگىن ەگۋدى ەرتە باستاعان اتامەكەن, ەراليەۆ اۋىل وكرۋگتەرىنىڭ ديقاندارى قازىردىڭ وزىندە جالپى 12 گەكتار جەرگە قىرىققابات وتىرعىزىپ ۇلگەرگەن, دەپ حابارلايدى Egemen.kz وبلىستىق اكىمدىكتىڭ ءباسپاسوز قىزمەتىنە سىلتەمە جاساپ.
«ۇلمان اتا» شارۋا قوجالىعىنىڭ توراعاسى باقىت قورعانباەۆ قىرىققابات كوشەتىن ەگۋدى جەلتوقسان ايىندا باستاپ كەتكەن.
ء«بىزدىڭ اۋدان ەرتە كوكتەم شىعاتىن ايماققا جاتادى. جىلدا اۋا رايىنىڭ وسىنداي قولايلىلىعىن ءتيىمدى پايدالانىپ, ەگىستىك جۇمىستارىن ەرتە باستاۋعا قامدانامىز. قازىرگى تاڭدا 2 گەكتار اۋماققا قىرىققابات وتىرعىزدىق. وتكەن جىلى وسى جەردەن 70 توننا ءونىم العانبىز, بيىل 100 تونناعا جەتكىزۋدى جوسپارلاپ وتىرمىز», دەدى قوجالىق يەسى.