جەلىدە سپۋتنيك-V ۆاكتسيناسىنىڭ كەرى اسەرلەرى تۋرالى حابارلامالار تاراپ جاتىر, دەپ حابارلايدى Egemen.kz بۇل تۋرالى Tengrinews.kz اقپارات تاراتتى.
حابارلامادا ۆاكتسينا سالدىرعان ادامداردا گانگرەنا, پسورياز جانە ءتۇرلى جارالار پايدا بولعانى ايتىلادى.
الەۋمەتتىك جەلىلەردەگى حابارلامالا سايكەس, اۋرۋدىڭ كەرى اسەرلەرى تۋرالى پيروگوۆا اتىنداعى رەسەي ۇلتتىق زەرتتەۋ ۋنيۆەرسيتەتىنىڭ 17 جاستاعى ستۋدەنتى ايتقان. ونى گامالەيا اتىنداعى ۇلتتىق ەپيدەميولوگيا جانە ميكروبيولوگيا عىلىمي-زەرتتەۋ ورتالىعىندا زەرتحانالىق جۇمىستارعا تارتقان ەكەن. وعان جانۋارلار مەن ادامداردىڭ قانىمەن ارالاستىرۋ ءۇشىن بەلگىلى ءبىر سۇيىقتىق بەرگەن. بۇدان كەيىن ول عىلىمي جەتەكشىسىنىڭ كومپيۋتەرىندەگى «Co-19 پوب» پاپكاسىنان قورقىنىشتى فوتوسۋرەتتەردى كورگەن. Cوسىن ول جەلىدە وسى سۋرەتتەردى جاريالاعان.
"بىرىنشىدەن, ۋنيۆەرسيتەتتىڭ ورتالىقپەن ىنتىماقتاستىعى تۋرالى ۋنيۆەرسيتەتتىڭ سايتىندا دا, عزو پلاتفورماسىندا دا ايتىلماعان.
ەكىنشىدەن, «اشكەرەلەيتىن» ماتەريالعا تىركەلگەن بارلىق فوتوسۋرەتتەردى جەلىدە وڭاي تابۋعا بولادى. سۋرەتتەردە گانگرەنا, تروفيكالىق جارا, ۇلكەن بەزەۋ جانە تامشى ءتارىزدى پسورياز بەينەلەنگەن.
ۇشىنشىدەن, سپۋتنيك-V ۆاكتسيناسىنىڭ كلينيكالىق سىناقتارى تۋرالى ەسەپتە مۇنداي جاعىمسىز اسەرلەر تۋرالى ەشتەڭە ايتىلماعان. كەرىسىنشە, سىناقتار پرەپاراتتىڭ تيىمدىلىگى مەن قاۋىپسىزدىگىن دالەلدەيدى.
تورتىنشىدەن, 2020 جىلعى قازان ايىندا سپۋتنيك-V ۆاتسيناسىن ازىرلەۋشىلەر كلينيكالىق زەرتتەۋلەرگە قاتىسۋشىلاردىڭ 85 پايىزىندا كەرى اسەرلەر مۇلدەم بايقالماعانىن حابارلادى. قالعان 15 پايىزىندا دەنە قىزۋى كوتەرىلگەن, ينەكتسيا ورنىندا اۋىرسىنۋ جانە ءىسىنۋ, باس اۋرۋى جانە بۇلشىقەت اۋرۋى تىركەلدى. سىناققا قاتىسۋشىلاردىڭ اراسىندا باسقا ەشقانداي اسا اۋىر سالدار بولماعان», دەلىنگەن حابارلامادا.
«قورىتا ايتقاندا, COVID-19 قارسى ۆاكتسيناسىنىڭ «قورقىنىشتى جاناما اسەرلەرى» تۋرالى حابارلامالار مەن فوتوسۋرەتتەر – جەلى قولدانۋشىلارى ويدان شىعارعان نارسە. بۇل اقپاراتتىڭ شىنايىلىعىن راستايتىن فاكتىلەر جوق», دەپ جازادى باسىلىم.