«حابار» تەلەارناسىندا قازاقستاندىق شوۋ-بيزنەس جانە سپورت سالاسى جۇلدىزدارىنىڭ قاتىسۋىمەن «دالا battle» رەاليتي-جوباسىنىڭ تۇساۋكەسەرى ءوتتى. اتالعان تەلەۆيزيالىق شوۋدىڭ ون كەزەڭىندە ناعىز شاباندوزدار قيىن تاپسىرمالاردى ورىنداپ, قاۋىپتى سىناقتاردان ءوتىپ, ۇلتتىق ءھام حالىقارالىق سپورت تۇرلەرىنەن كۇش سىناسادى.
«دالا battle» – بۇل ءتۇرلى ەموتسيالار مەن توسىن ارەكەتتەرگە تولى جوبا. ءبىز قازاقستاندا ءبىرىنشى رەت سپورت پەن ونەرسۇيەر قاۋىمىن بىرىكتىرەتىن رەاليتي-شوۋ ۇيىمداستىردىق», دەدى جوبا اۆتورى ءارى پروديۋسەرى مەيىرجان الىبەك.
ايتا كەتەيىك, مۇندا تەلەۆيزيالىق شوۋ عانا ەمەس, ەكسترەمالدى تۋرنير تۇرلەرى دە قاراستىرىلعان. وندا كوماندا وكىلدەرى فيزيكالىق دايىندىعىن كورسەتىپ, كۇشتىڭ بارلىق قاتال سىناقتارىنان وتەدى. ماسەلەن, كروسسفيت, تاۋلى ايماقتا امان قالۋ, اسكەري دايىندىق, ات سپورتى, ت.ب. جوباعا بارلىعى 5 كوماندا قاتىسۋدا. ويىن ەرەجەسى بويىنشا باعدارلامانىڭ ءار ەكى بولىمىنەن كەيىن ءبىر كوماندا رەاليتي-شوۋدان شىعىپ وتىرادى.
باعدارلاماعا كينو, سپورت جانە ونەر جۇلدىزدارى قاتىسۋدا. ولاردىڭ ىشىندە ارمان وسپانوۆ, اسىلحان تولەپوۆ, داۋرەن سەرعازين, ارمان ءاشىم, اقبولات وتەباي, اسۋ الماباەۆ, اقجۇرەك تاڭاتاروۆ, تاۋەكەل ءمۇسىلىم, ايدار شارىباەۆ, ارمان قوڭىر بار.