الماتىدا ەر ادام پوليتسيا قىزمەتكەرلەرىنە كوزدى اشىتاتىن بۇرىش بۇرىككىش قولداندى, دەپ حابارلايدى Egemen.kz
«7 جەلتوقساندا ۋچاسكەلىك پوليتسيا ينسپەكتورلارى, سونداي-اق يۋۆەنالدى پوليتسيا ينسپەكتورلارى سوت شەشىمىن ورىنداۋ ماقساتىندا ىشكى ىستەر ورگانى قىزمەتكەرلەرى, سوت ورىنداۋشىسى جانە قورعانشىلىق جانە قامقورشىلىق ورگانىنىڭ وكىلىمەن بىرگە 2016 جىلى تۋعان كامەلەتكە تولماعان قىزدى 1994 جىلى تۋعان اناسىنىڭ ۇيىنە اپارۋ ماقساتىندا بارعان. وسى كەزدە ۇيدە بالانىڭ 1954 جىلعى اتاسى بولعان. ول پوليتسيا قىزمەتكەرلەرىنە تاپ بەرىپ, جەكە سوت ورىنداۋشىلارىنا بۇرىش بۇرىككىشىن قولدانعان», دەيدى ناۋرىزباي اۋداندىق پوليتسيا ءبولىمىنىڭ باستىعى, پوليتسيا پودپولكوۆنيگى ديدار احانوۆ. الماتى قالالىق پوليتسيا دەپارتامەنتى اتالعان ەر ادام قر قىلمىستىق كودەكسىنىڭ 380-بابى, 1-ءبولىمى بويىنشا جاۋاپقا تارتىلعانىن ايتتى.
بۇل جاعداي بويىنشا الماتى قالالىق پوليتسيا دەپارتامەنتى ءىس جۇرگىزەدى.