قوستاناي قالالىق ءماسليحاتى دەپۋتاتتارىنىڭ ءبىرىنشى سەسسياسى ءوتتى دەپ حابارلايدى ەgemen.kz
قالالىق ءماسليحاتتىڭ قۇرامى تۇڭعىش رەت ءۇش پارتيالى بولىپ وزگەردى. بۇل جولى ماسليحاتتاعى «نۇر وتان» جانە «اۋىل» پارتياسى وكىلدەرىنىڭ قاتارىنا «اق جول» پارتياسىنان سايلانعان دەپۋتاتتار قوسىلدى.
ءبىرىنشى سەسسياعا قوستاناي اكىمى قايرات احمەتوۆ قاتىسىپ, بارلىق دەپۋتاتتاردى قالا يگىلىگى ءۇشىن جۇمىس ىستەپ, تۇرعىنداردىڭ تۇرمىسىن جاقسارتۋ ماقساتىنا جۇمىلۋعا شاقىردى.
قالالىق ماسليحاتقا پارتيالىق ءتىزىم بويىنشا «نۇر وتاننان» 42 كانديدات, «اۋىل» جانە «ادال» پارتيالارىنان 4, ال «اق جولدان» 5 ۇمىتكەر ۇسىنىلعان. «بۇگىندە قالالىق ماسليحاتتاعى 19 دەپۋتاتتىڭ 14-ءى - «نۇر وتان» پارتياسىنىڭ وكىلدەرى.ەكەۋى «اۋىلدان», ال ءۇش دەپۋتات «اق جول» پارتياسىنان», - دەدى قالالىق سايلاۋ كوميسسياسىنىڭ وكىلى.
ءماسليحات دەپۋتاتتارىنىڭ بەسەۋى – ايەل ادامدار. سەسسيا وتىرىسىندا ءماسليحات حاتشىسى سايلاندى. بۇل مىندەتتى باقىتبەك ساندىبەكوۆ اتقاراتىن بولدى.