رەسەي پرەزيدەنتى مينيسترلەر كابينەتىمەن كەزدەسۋىندە كەلەسى اپتادان باستاپ رەسەيلىكتەردى كوروناۆيرۋسقا قارسى جاپپاي ۆاكتسيناتسيالاۋعا كوشۋ تۋرالى تاپسىرما بەردى, دەپ حابارلايدى Egemen.kz ريا باسىلىمىنا سىلتەمە جاساپ.
ء«بىزدىڭ ۆاكتسينا تاسىمالداۋ ءۇشىن ەرەكشە جاعدايلاردى قاجەت ەتپەيدى, بىزدە بارلىعى الدەقايدا جەڭىل جانە ءتيىمدى», دەدى پۋتين.
كوروناۆيرۋسقا قارسى ازاماتتىق ۆاكتسيناتسيا رەسەيدە جەلتوقسان ايىنىڭ باسىندا باستالدى. ۆاكتسينانى قارسى كورسەتىلىمدەر تىزىمىنەن سوزىلمالى اۋرۋلارى جوق 18 جاستان اسقان ادامدارعا, سونداي-اق سوڭعى 30 كۇندە جرۆي بەلگىلەرى بولماعان تۇرعىندارعا ەگۋگە بولادى. ايتا كەتەتىن جايت, ۆاكتسيناتسيا جۇكتى جانە ەمىزەتىن ايەلدەرگە قارسى كورسەتىلگەن.
ءبىرىنشى كەزەكتە ولار نەگىزگى قاۋىپ توبىنداعى ازاماتتاردى ۆاكتسيناتسيالاۋدى قولعا الادى. ولار دارىگەرلەر, مۇعالىمدەر, الەۋمەتتىك قىزمەتكەرلەر, سونىمەن قاتار مادەنيەت مەكەمەلەرىنىڭ, ساۋدا جانە قىزمەت كورسەتۋ كاسىپورىندارىنىڭ, كولىك جانە ەنەرگەتيكا, ونەركاسىپ جانە بۇقارالىق اقپارات قۇرالدارىنىڭ قىزمەتكەرلەرى, قۇرىلىس جۇمىسشىلارى, ەرىكتىلەر, ستۋدەنتتەر دە قوسىلدى.
ايتولقىن مىرزاكاريم