2021 جىلدىڭ 12 قاڭتارىندا ساعات كەشكى 18:00 شاماسىندا تالاس اۋدانى مايتوبە اۋىلىنا قاراما-قارسى بەتتەگى قاراتاۋدىڭ قارى ەرىپ اۋىلعا قاراي اققان, دەپ حابارلايدى Egemen.kz تالاس اۋدانى اكىمدىگى تاراتقان اقپاراتقا سىلتەمە جاساپ.
"اعىن سۋدىڭ پايدا بولۋ سەبەبى, كۇننىڭ كۇرت جىلىپ كەتۋىنەن, سونىمەن قاتار جاۋىن-شاشىننىڭ قاتتى جاۋىپ تۇرۋىنا بايلانىستى بولدى. اعىن سۋدىڭ شامامەن كولەمى 30-40 مەتر, بيىكتىگى 3-4 سم. قازىرگى تاڭدا, وبلىستىق ماڭىزى بار اۆتوموبيل جولىنىڭ ماڭىنان ارىق قازۋ ارقىلى بيلىكول كولىنە سۋدى بۇرۋ جۇمىستارى جۇرگىزىلۋدە. وقيعا ورنىنا جەرگىلىكتى اتقارۋشى ورگاننان 15 ادام, 4 جەڭىل تەحنيكا, 1 ەكسكاۆاتور (ارنايى تەحنيكا ارىقتاردى اشىپ, سۋدى تومەندەتۋ ماقساتىندا جۇمىس ىستەپ جاتىر) جانە اۋداندىق توتەنشە جاعداي بولىمىنەن 6 ادام, 2 تەحنيكا (1 نيۆا, جەدەل قۇتقارۋ توبىنىڭ 1 ۋاز اۆتوكولىگى) جۇمىلدىرىلىپ, جۇمىستار جۇرگىزىلۋدە. اۋىل اراسىندا كوشە ارالانىپ, ەشقانداي ءۇيدى سۋ باسپاعاندىعى انىقتالدى. الداعى ۋاقىتتا قوسىمشا جاعداي باياندالاتىن بولادى", - دەلىنگەن حابارلامادا.