قاڭتاردىڭ العاشقى ونكۇندىگىندە ەلوردا «سارى» جانە «قىزىل» ايماقتاردىڭ شەكاراسىندا تۇر. جاڭا جىلدىق مەرەكەلەردەن كەيىن ينكۋباتسيالىق كەزەڭ اياقتالعانىن ەسكەرە وتىرىپ, كوروناۆيرۋسپەن اۋىراتىن ناۋقاستار سانى ارتىپ كەلەدى. بۇل — سانيتارلىق نورمالاردىڭ ءبارى بىردەي ساقتالماعانىنىڭ باستى بەلگىسى. بۇل تۋرالى قالانىڭ باس سانيتارلىق دارىگەرى سارحات بەيسەنوۆا مالىمدەدى, دەپ حابارلايدى Egemen.kz.
«قازىر قالا «سارى ايماقتا» ورنالاسقانىنا قاراماستان سىرقاتتانۋشىلىق سانىنىڭ ءوسۋى بايقالادى. بۇل, ءبىر جاعىنان, COVID-19 ينفەكتسياسىنا تەست تاپسىراتىن ادام سانىنىڭ ەكى ەسە وسۋىنە, ال ەكىنشى جاعىنان قالا تۇرعىندارىنىڭ مەرەكەلىك جاڭا جىل كۇندەرىندە شەكتەۋ شارالارىن ساقتاماۋىنا بايلانىستى.
سونداي-اق ايرىقشا اتاپ وتەرلىگى – دارىگەرلەرگە وزدىگىنەن قارالاتىن حالىقتىڭ ۇلەسى ارتىپ كەلەدى. بۇل تۇرعىنداردىڭ جاۋاپكەرشىلىگى جوعارى ەكەنىن جانە كوروناۆيرۋس ينفەكتسياسىنىڭ سالدارىنا الاڭدايتىنىن كورسەتەدى. ءوز بەتىمەن ەم-دوم قولدانۋعا بولمايدى. ءوزىن, تۋىستارىن جانە اينالاسىن قورعاۋ ءۇشىن سانيتارلىق نورمالاردى قاتاڭ ساقتاپ, ماسكا تاعۋ قاجەت», دەدى ەلوردانىڭ باس سانيتارلىق دارىگەرى سارحات بەيسەنوۆا.
قالانىڭ باس سانيتارلىق دارىگەرى سارحات بەيسەنوۆا كوروناۆيرۋسپەن اۋىرعانداردىڭ ءوسۋى جالعاسقان جاعدايدا كارانتيندىك قوسىمشا شەكتەۋ شارالارى قابىلداناتىنىن اتاپ ءوتتى.