ورتالىق سايلاۋ كوميسسياسىنىڭ مالىمەتىنشە, ساعات 20:00-گە دەيىن قوستاناي وبلىسى تۇرعىندارىنىڭ 71,8%-ى داۋىس بەرگەن.
ساياسي ناۋقان بارىسىندا سايلاۋشىلار مەن سايلاۋ كوميسسياسى تاراپىنان زاڭعا قايشى ەشبىر ورەسكەل ارەكەتتەر بايقالماعان. بايقاۋشىلار ءبىراۋىزدان سايلاۋدىڭ ءادىل ءارى اشىق وتكەنىن, ناۋقان بارىسىندا سانيتارلىق تالاپتاردىڭ قاتاڭ ساقتالعانىن ايتادى.
سايلاۋدا داۋىس بەرۋ كەزىندە بارلىق ۋچاسكەلەردە سانيتارلىق تالاپتاردىڭ ساقتالۋى ءجىتى قاداعالانىپ, ءتيىستى شارالار ءوز دەڭگەيىندە جۇزەگە اسىرىلدى. ءار ۋچاسكەدەگى كابينالار ارنايى سانيتارلىق قۇرىلعىلارمەن ساعات سايىن تازارتىلىپ, الەۋمەتتىك اراقاشىقتىقتىڭ ساقتالۋى قاتاڭ قاداعالاۋعا الىندى. وبلىستاعى بارلىق سايلاۋ ۋچاسكەلەرىنىڭ كىرەبەرىسىندە مەديتسينا قىزمەتكەرلەرى مەن ۆولونتەرلەر كەزەكشىلىك اتقاردى. ولاردىق نەگىزگى مىندەتى سايلاۋشىلاردىڭ سانيتايزەرگە قول شايۋىن قاداعالاپ, دەنە قىزۋىن ولشەپ, ءار ادامعا مەديتسينالىق قولعاپ, ماسكا, قالام ۇلەستىرۋ بولدى. ماسكا, قولعاپتارمەن بارلىق ۋچاسكەلەر جەتكىلىكتى تۇردە قامتىلدى.
سايلاۋ ۇدەرىسىنە قاتىسۋ قۇقىعىنا يە بولعان وڭىردەگى ۇكىمەتتىك ەمەس ۇيىمدار ءوز مىندەتتەرىن ويداعىداي ورىندادى.
بايقاۋشىلاردىڭ ايتۋىنشا, ساياسي ناۋقان بارىسىندا سايلاۋعا قاتىستى زاڭ بۇزۋ دەرەكتەرى تىركەلگەن جوق.
قورىتا ايتقاندا, وبلىستا سايلاۋ قۇقىعىنا يە تۇرعىنداردىڭ ءوز تاڭداۋلارىن جاساۋىنا بارلىق جاعداي جاسالىندى.
قوستاناي وبلىسى