ەڭ جاس سايلاۋشىعا سىيلىق تاپسىردى

اي بويى پارتيالار جوبا-جوس­پارلارىن ۇسىندى, ەلمەن ەتەنە ارالاستى, قوعامداعى ماسەلەلەرمەن تانىستى. حالىق پارتيالاردىڭ مۇمكىندىكتەرىن باعامداپ, سارالاپ بارىپ, ءوز تاڭداۋلارىن جاسادى. ال ساياسي ناۋقاننىڭ ءادىل ءوتۋىن بەيتاراپ بايقاۋشىلار نازارلارىندا ۇستادى.

سايلاۋ ۋچاسكەلەرىنە كەلگەن ازاماتتاردىڭ دەنە قى­زۋى ولشەنىپ, ەدەندە بەل­گىلەنگەن جولاق بويىمەن داۋىس بەرۋگە ءوتىپ جاتتى. ۋچاسكەلەردىڭ مۇشەلەرى بايقاۋشىلار, تەحني­كالىق قىزمەتكەرلەر پتر تەستى­دەن وتكەن.

سايلاۋ ەرەجەسىن ءبىردى-ەكىلى بۇزعاندار بولماسا, بالەندەي داۋ-دامايلار بولعان جوق. جەر­گىلىكتى بايقاۋشىلاردان بولەك شىعىس قازاقستان وڭىرىنە شەتەلدەن دە بايقاۋشىلار كەلگەن. ولاردىڭ ەكەۋى ەۋروپادان بولسا, التاۋى تمد ەلدەرىنەن ەدى.

ساياسي ناۋقاندا جاۋاپكەر­شىلىكپەن ءوز تاڭداۋىن جاساعان­داردىڭ ەڭ ۇلكەنى 100 جاستاعى كەيۋانا – حاۋا بۇلانباەۆا بولسا, ەڭ جاسى 18-گە جۋىقتا عانا تولعان ەڭىلىك كارىموۆا ەدى. ۇيىندە وتىرىپ, داۋىس بەرگەن حاۋا اجە ء«ادىل سايلاۋ بولسىن! بار بولايىق, باي بولايىق, زامان تىلەگىنە ساي بولايىق!», دەپ اق باتاسىن بەردى. ال تۇڭعىش رەت سايلاۋعا قاتىسقان ەڭىلىك كارىباەۆا سىي-سياپاتقا يە بولدى.

شىعىس قازاقستان وبلىسى