الماتى قالاسىنىڭ سايلاۋ ۋچاسكەلەرىندەگى اعىمداعى جاعداي تۋرالى جالپىقالالىق ءباسپاسوز ورتالىعىندا وتكەن بريفينگتە اۋماقتىق سايلاۋ كوميسسياسىنىڭ توراعاسى جاننا اسانوۆا باياندادى, دەپ حابارلايدى Egemen.kz
قازىرگى ۋاقىتتا الماتى قالاسىندا سايلاۋ ءوتىپ جاتىر. ج.اسانوۆانىڭ ايتۋىنشا, سايلاۋشىلار تىزىمىندە 1 132 232 ادام بار. قازىرگى ۋاقىتتا, ساعات 10.45-تە 109 مىڭنان استام ادام داۋىس بەردى. بۇل رەتتە ءتۇرلى جاعداي ورىن الۋدا. ونىڭ بارلىعى شۇعىل تۇردە شەشىلۋدە. نەگىزىندە, ايتارلىقتاي زاڭ بۇزۋشىلىق نەمەسە ازاماتتاردىڭ قۇقىقتارى جوق. بارلىق داۋلى ماسەلەلەر سايلاۋ ۋچاسكەلەرى شەڭبەرىندە شەشىلەدى.
ساعات 12.00-گە دەيىن ۇيدە داۋىس بەرۋگە ءوتىنىش بەرۋگە بولادى.
جالپى ج.اسانوۆانىڭ ايتۋىنشا, جاعداي تۇراقتى. داۋىس بەرۋ كەزىندە سايلاۋ پروتسەسىنە قاتىسۋشىلار اراسىندا ۇساق-تۇيەك تۇسىنىسپەۋشىلىكتەرسىز جۇرمەيتىنى انىق.
«مۇنىڭ ءبارى جۇمىس تارتىبىمەن شەشىلەدى. قازىرگى ۋاقىتتا زاڭنامالاردى ورەسكەل بۇزۋ نەمەسە قانداي دا ءبىر جاعدايلار تۋرالى ايتا المايمىز. ويتكەنى ءبارى قالىپتى جاعدايدا ءجۇرىپ جاتىر», دەپ اتاپ ءوتتى ول.