دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ 6 قاڭتارداعى ەلدەگى ەپيدەميولوگيالىق احۋالدى باعالاۋ ماتريتساسىنا سايكەس اتىراۋ وبلىسى «قىزىل ايماققا» قايتادان ەندى. بۇعان سوڭعى ەكى تاۋلىكتە وڭىردەن 250 ادامنىڭ كوروناۆيرۋس ينفەكتسياسىنا شالدىعۋى سەبەپ بولىپ وتىر, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ مالىمەتىنە سۇيەنسەك, تەك وتكەن تاۋلىكتە 101 ادام كوروناۆيرۋس ينفەكتسياسىن جۇقتىردى.
«ونىڭ ىشىندە اتىراۋ قالاسىندا 9 ادامنان, تەڭىز كەنىشىندە 78 جۇمىسشىدان كوروناۆيرۋس بەلگىسى تابىلدى. سونداي-اق جىلىوي اۋدانىندا – 2, قۇرمانعازى اۋدانىندا 12 ادام قاۋىپتى ىندەتكە شالدىقتى. ناۋقاستاردىڭ 12-ىندە سيمپتومدى ءتۇرى بار. وتكەن تاۋلىكتە كوروناۆيرۋس ينفەكتسياسىنان 32 ادام ەمدەلىپ شىقتى» دەپ حابارلادى باسقارمانىڭ ءباسپاسوز قىزمەتى.
ال قازىر 321 ادام ءۇي جاعدايىندا ەمدەلىپ جاتىر. وبلىستىق ينفەكتسيالىق ستاتسيوناردا 95, اۋداندارداعى ستاتسيونارلاردا 39, تەڭىز كەنىشىندەگى ستاتسيوناردا 811 ادام ەم قابىلداۋ ءۇشىن جاتقىزىلدى.