قازاقستاندىق دزيۋدوشىلار جىلدىڭ العاشقى جارىسىن دوحاداعى (قاتار) الەمدىك Masters باسەكەسىمەن باستايدى. 11-13 قاڭتار كۇندەرى جالاۋى جەلبىرەيتىن دوداعا الەمدىك رەيتينگتە ۇزدىك 36 بالۋاننىڭ قاتارىنا ەنگەن دزيۋدوشىلار شاقىرتىلعان.
قازاقستان قۇراماسىنان اتالعان الەمدىك باسەكەگە جەتى دزيۋدوشى قاتىسۋعا مۇمكىندىك الدى. ولار: ەلدوس سمەتوۆ (60 كگ), عۇسمان قىرعىزباەۆ (60 كگ), ەلدوس جۇماقانوۆ (66 كگ), ەرلان سەرىكجانوۆ (66 كگ), جانساي سماعۇلوۆ (73 كگ), ديدار حامزا (81 كگ) جانە يسلام بوزباەۆ (90 كگ).
ايتا كەتەرلىگى, Masters تۋرنيرىنە 71 ەلدەن 412 تاتامي شەبەرى قاتىسادى دەپ جوسپارلانعان.