«اق جول» پارتياسىنىڭ ۇگىت-ناسيحات جۇمىستارى پاۆلودار قالاسىندا جالعاستى. پارتيانىڭ پاۆلودار وبلىستىق شتابىنىڭ بەلسەندىلەرى وڭىردەگى بىرنەشە كاسىپورىندا بولىپ, سايلاۋشىلارمەن كەزدەستى.
پارتيا بەلسەندىلەرى الدىمەن «جاڭا روسا» كومپانياسىن ارالاپ كوردى. بۇل كاسىپورىن – ەلدەگى ەڭ كونە سىرا زاۋىتتارىنىڭ ءبىرى. كاسىپورىن Olvrieka (بەلگيا), Berkefeld, Krones A.G., KHS ي NIKO (گەرمانيا) سەكىلدى شەتەلدىك كومپانيالارمەن ارىپتەستىك ورناتقان. «جاڭا روسا» تەك سىرا وندىرىسىمەن عانا ەمەس, ءتۇرلى الكوگولدى ەمەس سۋسىنداردى, شىرىنداردى جانە مينەرالدى سۋ شىعارۋدى دا جولعا قويىپ وتىر. كاسىپورىننىڭ ۇلكەن ەرەكشەلىگى – جاستاردىڭ پوتەنتسيالىنا ەرەكشە ءمان بەرۋىندە. بۇل رەتتە «اق جول» پارتياسى مەن كاسىپورىن جەتەكشىلەرىنىڭ ويى ءبىر جەردەن شىعىپ وتىر. پارتيا بەلسەندىلەرى وسى ۇجىمداعى جۇمىسشىلارعا پارتيا ۇسىنىپ وتىرعان ەلىمىزدە جاستارعا كورسەتىلۋگە ءتيىستى قولداۋ شارالارىنىڭ تىزبەگىن تانىستىردى.
اقجولدىقتار ودان بولەك «رەال-ستروي-پۆ» سەرىكتەستىگىنىڭ جۇمىسشىلارىمەن دە كەزدەسىپ, ولاردىڭ وي-پىكىرىن تىڭدادى. «رەال-ستروي-پۆ» – قۇرىلىس كومپانياسى. سەرىكتەستىك نەگىزىنەن ساياجايلار مەن كوتتەدجدەر سالۋعا ماماندانعان. ودان بولەك قۇرىلىس كومپانياسى كەيبىر عيماراتتارعا رەكونسترۋكتسيا جاسايدى جانە جول جوندەۋ جۇمىستارىمەن اينالىسادى. «اق جول» پارتياسىنىڭ ۇگىت-ناسيحات توبى مۇندا پارتيانىڭ سايلاۋالدى باعدارلاماسىنىڭ باسىم باعىتتارى جونىندە اڭگىمەلەپ بەردى.
ال الماتى قالاسىندا جاستارمەن وتكەن كەزدەسۋدە پارتيا كوشباسشىسى ازات پەرۋاشەۆ قازاقستانعا ەركىن, مىقتى جانە وزىنە سەنىمدى جاستار قاجەت ەكەنىن مالىمدەدى. شاراعا پارتيانىڭ قالالىق فيليالىنىڭ توراعاسى قۋاندىق بيسقۇلتانوۆ, ءماجىلىس دەپۋتاتتىعىنا كانديداتتار – پارتيا توراعاسىنىڭ ورىنباسارى دميتري ۆاسيلەۆ, KBT Group كومپانياسىنىڭ باس ديرەكتورى ازات سەمبينوۆ قاتىستى. KBT Group كاسىپورنىنىڭ باسشىلىعى كومپانيا قويماسىندا ەكسكۋرسيا ۇيىمداستىرىپ, جوبالارى مەن جۇمىس جاعدايىن تانىستىردى.
«اق جول» باسشىسى پارتيانىڭ جاس قازاقستاندىقتاردى تۇرعىن ۇيمەن قامتاماسىز ەتۋ جونىندەگى باستامالارى تۋرالى ايتتى. وعان جاتاقحانالار سالۋ قاجەتتىلىگى تۋرالى جانە ءار بالانىڭ دۇنيەگە كەلۋىمەن يپوتەكانى سۋبسيديالاۋ بويىنشا ۇسىنىستار جاتادى.
«اق جول» ۇگىت-ناسيحات توبى جاس سايلاۋشىلاردى دەموكراتيالىق پارتيانىڭ بيزنەستى قولداۋ بويىنشا اعىمداعى جۇمىسى مەن باعدارلامالىق مىندەتتەرى تۋرالى حاباردار ەتتى.
سونىمەن قاتار ول پارتيانىڭ ۇلتتىق بانكتىڭ پايىزدىق مولشەرلەمەسىن 4-5%-عا دەيىن تومەندەتۋ, كەيىننەن ەدب كرەديتتەرى بويىنشا دا پايىزداردى تومەندەتۋ جونىندەگى ۇسىنىستارى تۋرالى ەسكە سالدى.
«ەلدىڭ الەۋمەتتىك-ەكونوميكالىق جانە ساياسي جۇيەلەرىنە تۇبەگەيلى وزگەرىستەر قاجەت», دەيدى اقجولدىقتار. وسىلايشا پارتيا مۇشەلەرى جاستاردى 2021 جىلدىڭ 10 قاڭتارىندا سايلاۋعا قاتىسۋعا شاقىرادى. «اق جولدىڭ» ۇگىت-ناسيحات جۇمىستارى جالعاسۋدا. پارتيا ءوزىنىڭ باعدارلامالىق مىندەتتەرىن جۇزەگە اسىرۋ جانە سايلاۋشىلاردان كەلىپ تۇسكەن وتىنىشتەر بويىنشا جۇمىسىن دا ىلگەرىلەتۋدە.