قازاقستاننىڭ ەلشىلىكتەرى داۋىس بەرۋ كۇنى جاقىنداعان سايىن شەتەلدىك ساراپشىلار مەن باق وكىلدەرى تاراپىنان قر پارلامەنتى ءماجىلىسىنىڭ دەپۋتاتتارىن سايلاۋعا دەگەن قىزىعۋشىلىقتىڭ ارتىپ كەلە جاتقانىن اتاپ وتۋدە, دەپ حابارلايدى Egemen.kz
سونىمەن قاتار, قازاقستاننىڭ يتالياداعى ەلشىسى سەرگەي نۇرتاەۆتىڭ ونلاين-بريفينگى بارىسىندا جەرگىلىكتى ماسس-مەديا وكىلدەرىنە ەلدە ءوتىپ جاتقان دەموكراتيالىق ۇدەرىستەر, پارلامەنتتەگى ايەلدەر مەن جاستاردىڭ وكىلدىگىن ارتتىرۋ قۇرالدارى, داۋىس بەرۋ ءراسىمىنىڭ جوعارى حالىقارالىق ستاندارتتارعا سايكەستىگىن قامتاماسىز ەتۋ بويىنشا مەملەكەتتىك ورگانداردىڭ جۇيەلى جۇمىسى تۋرالى حاباردار ەتىلدى.
قازاقستاننىڭ يرانداعى ەلشىسى اسحات ورازباي اتالعان ەلدە ۋاقىتشا جۇرگەن قازاقستان ازاماتتارى داۋىس بەرە الاتىن ديپلوماتيالىق وكىلدىك اۋماعىنداعى سايلاۋ ۋچاسكەسىنىڭ جۇمىسىنا دايىندىق تۋرالى حابارلادى.
بريفينگ بارىسىندا ءماجىلىستىڭ جاڭارتىلعان قۇرامى قازاقستانداعى الەۋمەتتىك-ەكونوميكالىق رەفورمالار باعدارلاماسىن قۇقىقتىق سۇيەمەلدەۋدى جەتىلدىرۋدى جالعاستىراتىنى, ال الداعى سايلاۋ قازاقستاننىڭ مەملەكەتتىڭ ساياسي ينستيتۋتتارىن ودان ءارى جاڭعىرتۋعا بەيىلدىلىگىنىڭ ايقىن ايعاعى بولاتىنى اتاپ ءوتىلدى.
بريفينگ بارىسىندا قازاقستاننىڭ پاكىستانداعى ەلشىسى اقان راحمەتۋللين جەرگىلىكتى باق-تىڭ, عىلىمي جانە ءبىلىم بەرۋ ورتالارىنىڭ نازارىن ەلدە جۇرگىزىلىپ جاتقان, ونىڭ قارىشتى دامۋىنا باعىتتالعان ينستيتۋتسيونالدىق وزگەرىستەرگە اۋداردى. ءىس-شاراعا قاتىسۋشىلار, سونىڭ ىشىندە بەدەلدى پاكىستان ۋنيۆەرسيتەتتەرىنىڭ پروفەسسورلارى, سايلاۋ قارساڭىنداعى قازاقستانداعى ساياسي جاعداي تۋرالى ءوز ويلارىن ورتاعا سالىپ, اتاپ ايتقاندا, تۇڭعىش پرەزيدەنت – ەلباسى نۇرسۇلتان نازارباەۆتىڭ ماڭىزدى ۇلەسىن جانە مەملەكەت باسشىسى قاسىم-جومارت توقاەۆتىڭ وڭىرلىك جانە جاھاندىق حالىقارالىق پروتسەستەردىڭ بەلسەندى قاتىسۋشىسى رەتىندەگى قازاقستاننىڭ ءرولىن نىعايتۋ جونىندەگى كۇش-جىگەرىن اتاپ ءوتتى.