وبلىستىق سانيتاريالىق-ەپيدەميولوگيالىق باقىلاۋ دەپارتامەنتى ءباسپاسوز قىزمەتىنىڭ اقپاراتىنا قاراعاندا, جىلىوي اۋدانىندا سۋشيدەن 47 ادام ۋلاندى. ولاردىڭ ءبارى «تري سامۋرايا» ءدامحاناسىنان تاپسىرىسپەن الدىرعان سۋشيمەن تاماقتانىپ, كەيىن دارىگەرلەرگە جۇگىنىپتى, دەپ حابارلايدى Egemen.kz
«قازىر اۋداندىق ورتالىق اۋرۋحانانىڭ جۇقپالى اۋرۋلار بولىمىندە 9 ناۋقاس جاتىر. بۇلاردىڭ جاعدايى جاقسارىپ كەلەدى. ءوز قالاۋىمەن امبۋلاتورلىق ەم الۋعا جىبەرىلدەر دە بار.. ال باسقا ناۋقاستار دەنساۋلىعىنىڭ تۇزەلۋىنە بايلانىستى اۋرۋحانادان شىعارىلدى. سۋشيدەن ۋلانعان ناۋقاستارمەن قارىم-قاتىناستا بولعاندار انىقتالىپ, مەديتسينالىق باقىلاۋعا الىندى», دەدى جىلىوي اۋداندىق ورتالىق اۋرۋحاناسىنىڭ ديرەكتورى نۇربەك ۇكىباەۆ.
وبلىستىق سانيتاريالىق-ەپيدەميولوگيالىق باقىلاۋ دەپارتامەنتى ءباسپاسوز قىزمەتىنىڭ مالىمەتىنشە, تۇرعىندارعا سۋشي ساتقان «تري سامۋرايا» ءدامحاناسى جابىلدى.