جىل الماسار قارساڭدا ماقات اۋدانىندا «اشىق اكىمدىك» كەڭسەسى جۇمىسىن باستادى, دەپ حابارلايدى Egemen.kz.
سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتىنىڭ باسشىسى قانات سۇلەيمەنوۆتىڭ مالىمەتىنشە, بۇعان دەيىن التى اۋدان مەن اتىراۋ قالاسىنىڭ اكىمدىگى «ورەn-space» فورماتىنداعى جاڭا جۇيەگە كوشكەن بولاتىن.
«پرەزيدەنت جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋدى تاپسىرعان ەدى. مەملەكەتتىك ورگانداردىڭ جۇمىسىن سەرۆيستىك مودەلگە كوشىرۋ مەملەكەتتىك قىزمەتشىلەردىڭ جاڭا ۇيىمداستىرۋشىلىق مادەنيەتىنىڭ كورىنىسىن, سونداي-اق, حالىققا قىزمەت كورسەتۋدىڭ قولايلى ورتاسىن قۇرۋدى قامتاماسىز ەتەدى. بۇل – وڭىردەگى سەگىزىنشى «اشىق اكىمدىك» دەيدى دەپارتامەنت باسشىسى قانات سۇلەيمەنوۆ.
ماقات اۋدانىنىڭ اكىمى شاكىر كەيكيننىڭ ايتۋىنشا, «اشىق اكىمدىك» كەڭسەسى كەڭەس بەرۋگە ارنالعان الاڭمەن, وزىنە-ءوزى قىزمەت كورسەتۋ بۇرىشىمەن, اقپاراتتىق ستەندىلەر مەن WI-FI جەلىسىمەن قامتىلدى. مۇندا مۇمكىندىگى شەكتەۋلى جاندار ءۇشىن قولايلى جاعداي جاسالىپ وتىر.