اممان قالاسىندا اباي اتىنداعى كوشەنىڭ سالتاناتتى اشىلۋ ءراسىمى ءوتتى, دەپ حابارلايدى Egemen.kz
قازاقستان ەلشىسى ايداربەك تۇماتوۆ ءوز سوزىندە يوردانيا استاناسىنىڭ ورتالىق كوشەلەرىنىڭ بىرىنە 175 جىلدىعى قارساڭىندا قازاقتىڭ كورنەكتى اقىنى مەن ويشىلىنىڭ ەسىمىن بەرۋ ەكى ەل اراسىنداعى قارىم-قاتىناستىڭ جانە باۋىرلاس قالالار – نۇر-سۇلتان مەن اممان اراسىنداعى ىنتىماقتاستىقتىڭ جوعارى دەڭگەيىنىڭ تاعى ءبىر دالەلى ەكەنىن اتاپ ءوتتى.
ءوز كەزەگىندە اممان قالاسى مۋنيتسيپاليتەتىنىڭ قامقورشىلار كەڭەسىنىڭ مۇشەسى يسمايل ءال-بۋستاندجي بۇل ءىس-شارا باۋىرلاس قازاق حالقىنىڭ مادەنيەتىنىڭ جارقىن وكىلى بولىپ تابىلاتىن كلاسسيكتىڭ جوعارى شەبەرلىگىنە دەگەن قۇرمەت ەكەنىن اتاپ ءوتتى.