پوۆەستى جاتقا وقىعان ورالحان

وقىرمان دەمەكشى, كەيىن­گىلەردىڭ ەسىنە ادەبيەتتە ءوز اتىن وشپەستەي جازىپ كەتكەن ورال­حان بوكەي 1943 جىلى 28 قىر­كۇيەكتە شىعىس قازاقستان وبلىسى كاتونقاراعاي اۋدانى شىڭعىستاي اۋىلىندا دۇ­نيەگە كەلگەنىن ايتا كەتۋ كەرەك. اكەسى بوكەي تابيعاتىنان قا­تال, سوزگە شەشەن, رۋحى بيىك, شىن­شىل جان بولسا, اناسى كۇليا اقكوڭىل, اقجارقىن مى­نە­زىمەن كوپكە ۇلگىلى بولعان كىسى ەكەن. وتباسىندا جالعىز ۇل – ورالحان, بەس قىز – شول­پان, ايمەن, ءلاززات, مان­شۇك, عاليا دۇنيەگە كەلگەن. ورال­حان دۇ­نيە­گە كەلگەندە سۇ­راپىل سو­عىس جىلدارى بول­عان­دىقتان, اكەسى ورالعا ەڭ­بەك مايدانىنا ات­تانعان كەز بولاتىن. اناسى كۇ­ليا اكەسى ەڭبەك ماي­دانى­نان امان-ەسەن ورالسىن دەپ ىرىمداپ, ءسابيدىڭ اتىن ورالحان دەپ قويعان ەكەن.

سول ورالحانمەن بايىرعى قىزىلوردالىق ءفوتوتىلشى بولات وماراليەۆتى تاعدىر قالاي تو­عىستىردى؟

– جاس كەزىمنەن ورالحان بوكەيدىڭ ماعان ايتپاي جاساپ جۇرگەن قامقورلىعىن ىشتەي سەزىنىپ ءجۇرۋشى ەدىم. تالانتتى ادام تالانتتى تاني بىلەدى دە­گەن راس نارسە, 1975 جىلى ناۋ­قاس­تانىپ, اۋرۋحانادا جاتسام, مەنى ىزدەپ ۇيگە كەلىپتى.

ءساتى تۇسكەن فوتوكادردىڭ سىرى مىناداي. 1986 جىلى قىزىلوردا وبلىسىندا «قازاق ادەبيەتى» گازەتىنىڭ اپتالىعى ءوتتى. سوندا عانا ورالحانمەن جۇزبە-ءجۇز كەزدەستىم. وعان دەيىن ءبىر-ءبىرىمىزدى كورمەگەنبىز. سول ءبىر اپتانىڭ ىشىندە قاراتاۋدا كۇرىش ورىپ جاتقان اۋىلداردى بىرگە ارالادىق. مىنا سۋرەتتە ورالحاننىڭ بەيىمبەت ءمايليننىڭ «شۇعانىڭ بەلگىسى» پوۆەسىن جاتقا ايتىپ تۇرعان كەزى. ءوزىنىڭ ءبىر اۋىز ولەڭىن جات­قا بىلمەيتىن تالاي اقىندى كورىپ ەدىم, ءبىر پوۆەستى باستان اياق ولەڭدەتىپ جاتقا ايتقاندى ورالحاننان كوردىم, – دەيدى سۋرەت اۆتورى.

الماتى