ەلورداداعى مەكتەپتەردىڭ بىرىندە پەداگوگتىڭ وقۋشىعا فيزيكالىق كۇش قولدانعانى انىقتالىپ, ول قىزمەتىنەن بوساتىلدى. بۇل دەرەكتى قالا اكىمدىگىنىڭ ءبىلىم باسقارماسى راستادى, دەپ جازادى Egemen.kz.
قىزمەتتىك تەكسەرىس بارىسىندا وقيعا راستالىپ, ءتيىستى شەشىم قابىلداندى. مۇعالىم ەڭبەك كودەكسىنىڭ 52-بابى 1-تارماعى 14-تارماقشاسىنا سايكەس, تاربيەلىك مىندەت اتقاراتىن قىزمەتكەر ءۇشىن جول بەرىلمەيتىن مورالعا جات قىلىق جاساعانى ءۇشىن جۇمىستان شىعارىلدى.
ۆەدومستۆو مالىمەتىنشە, ءبىلىم بەرۋ ۇيىمىنىڭ باسشىلىعى دا جاۋاپكەرشىلىكتەن تىس قالمادى.
«قوسىمشا تارتىپتىك شارالار قابىلداندى. مەكتەپ باسشىسى مەن ونىڭ ورىنباسارلارىنا دەربەس جاۋاپكەرشىلىك جۇكتەلىپ, رەسمي تارتىپتىك جازا قولدانىلدى», دەلىنگەن حابارلامادا.
ءبىلىم باسقارماسى بۇل جاعدايدىڭ باقىلاۋدا ەكەنىن اتاپ ءوتتى.
مەكتەپتەر مەن كوللەدجدەردە قۇقىقتىق مادەنيەت ساباقتارى باستالدى
وسى وقيعا اياسىندا ماماندار پەداگوگيكالىق ادەپ پەن وقۋشىلاردىڭ قاۋىپسىزدىگىنە ەرەكشە نازار اۋدارۋ قاجەتتىگىن العا تارتادى. مۇعالىمنىڭ باستى مىندەتى – ءبىلىم بەرۋ مەن تاربيەلەۋ, ال كەز كەلگەن زورلىق-زومبىلىق ارەكەتى زاڭعا قايشى جانە قىزمەتتىك مىندەتتەرگە سايكەس كەلمەيدى.
قازىر اتالعان جاعداي بويىنشا قوسىمشا تەكسەرۋ شارالارى جۇرگىزىلىپ, وقيعانىڭ بارلىق ءمان-جايى زەردەلەنىپ جاتىر.
باتىس قازاقستان وبلىسىندا مەكتەپ اۆتوبۋسى اپاتقا ۇشىرادى: بالالار زارداپ شەكتى