بۇگىندە وڭىرلەردە 34 اپاتتى جانە 151 ءۇش اۋىسىمدى مەكتەپ بار جانە بارلىق 17 ءوڭىر بويىنشا جالپى تاپشىلىق 168 مىڭنان استام وقۋشى ورنىن قۇرايدى, دەپ حابارلايدى Egemen.kz
وسىعان وراي قر ءبىرىنشى ۆيتسە-پرەمەرى ءاليحان سمايىلوۆتىڭ توراعالىعىمەن جاڭا ۇلگىدەگى مەكتەپتەردى سالۋعا جۇمسالاتىن شىعىنداردى وڭتايلاندىرۋ بويىنشا كەڭەس ءوتتى.
بۇل دەموگرافيالىق كورسەتكىشتەرگە جانە جۇمىس ىستەپ تۇرعان مەكتەپتەردىڭ توزۋىنا بايلانىستى وسى كورسەتكىشتىڭ ارتۋى بولجانىپ وتىر.
اتالعان ماسەلەلەردى شەشۋ بويىنشا جىل سايىن رەسپۋبليكالىق بيۋدجەتتەن ورتا ەسەپپەن 175 ملرد تەڭگە بولىنەدى. وسى ماسەلەنى كەلەشەكتە تەك مەملەكەتتىك بيۋدجەت ەسەبىنەن رەتتەۋ ۇلكەن قاراجات ءبولۋدى تالاپ ەتەدى.
ماسەلەنىڭ بالامالى شەشىمى رەتىندە ءاربىر وقۋشى ءۇشىن جان باسىنا قارجىلاندىرۋ فورماتىنداعى مەملەكەتتىك قولداۋ قۇرالىن قامتيتىن مەملەكەتتىك-جەكەشەلىك ارىپتەستىك جوبالارىن ىسكە اسىرۋ بولدى.
قولداۋ شارالارىنىڭ كەڭەيتىلگەن سەبەتىن جاريالاۋ جەتەكشى وتاندىق قۇرىلىس سالۋشىلار تاراپىنان ۇلكەن قىزىعۋشىلىق تۋدىردى. اتاپ ايتقاندا, قازىرگى ۋاقىتتا BI-Group قۇرىلىس حولدينگى جاڭا بۋىنداعى «BINOM مەكتەپتەرىن» سالۋعا جانە وعان قاتىسۋ تۋرالى ۇسىنىسىن قولعا الدى.
حولدينگ ەلىمىزدىڭ بارلىق وڭىرىندە 170 مىڭ ورىندىق 50 مەكتەپتى كەزەڭ-كەزەڭىمەن سالۋدى جوسپارلاپ وتىر. مەكتەپتەردىڭ باسىم بولىگى تاپشىلىق بايقالعان نۇر-سۇلتان, الماتى جانە شىمكەنت قالالارىندا سالىنادى.
جاڭا بۋىن مەكتەپتەرى نەعۇرلىم زاماناۋي ماتەريالدىق-تەحنيكالىق جابدىقتالۋىمەن, مۇعالىمدەر مەن وقۋشىلار ءۇشىن جوعارى قولايلى جاعدايلارىمەن ەرەكشەلەنەتىن بولادى. ەسەسىنە وڭ الەۋمەتتى ناتيجەگە قول جەتكىزىپ قانا قويماي, بيۋدجەت قاراجاتىن ايتارلىقتاي ۇنەمدەۋگە مۇمكىندىك بەرەدى.
ءا.سمايىلوۆتىڭ تاپسىرماسى بويىنشا بارلىق مەكتەپتەر ءۇشىن جاڭا قۇرىلىس مودەلىنە ارنالعان تەحنيكالىق جابدىقتار مەن جابدىقتاردىڭ بىرىڭعاي سەبەتى جاسالادى.
جوبانى ىسكە اسىرۋدىڭ 5 جىلى وتكەننەن كەيىن مەكتەپتەر مەملەكەت مەنشىگىنە وتەتىنىن اتاپ ءوتۋ قاجەت. ءتاسىلدى قولدانۋ ءبىلىم بەرۋ ينفراقۇرىلىمىن جاقسارتۋعا جانە وڭ الەۋمەتتىك ناتيجەگە قول جەتكىزۋگە عانا ەمەس, سونىمەن قاتار بيۋدجەت قاراجاتىن ەداۋىر ۇنەمدەۋگە مۇمكىندىك بەرەدى.