«اق جول» دەموكراتيالىق پارتياسىنىڭ ۇگىت-ناسيحات توبى وڭتۇستىك وڭىرلەرگە باردى. پارتيا وكىلدەرى شىمكەنت قالاسى مەن تۇركىستان وبلىسىنىڭ كەيبىر ايماقتارىندا بولىپ, سايلاۋشىلارمەن كەزدەستى.
پارتيا توراعاسى ازات پەرۋاشەۆ شىمكەنت قالاسىنىڭ تۇرعىندارىمەن بىرنەشە كەزدەسۋ وتكىزدى. ولاردىڭ ءبىرى №53 ورتا مەكتەپتە ءوتتى, مۇندا 2 مىڭنان استام وقۋشى وقيدى جانە 200-گە جۋىق مۇعالىم جۇمىس ىستەيدى. «اقجولدىقتار» پارتيانىڭ سايلاۋالدى باعدارلاماسىمەن تانىستىرىپ, ءبىلىم بەرۋ سالاسىنداعى وزەكتى ماسەلەلەردىڭ شەشىمىن تابۋ بويىنشا ۇسىنىستارىن جەتكىزدى. پارتيا مۇشەلەرى ساياسي قۋعىن-سۇرگىن قۇرباندارىنىڭ مەموريالىنا گۇل شوقتارىن قويىپ, «اق جولدىڭ» قالالىق فيليالىنىڭ ۇگىت-ناسيحات اۆتوشەرۋىنە قاتىستى.
سونىمەن قاتار پارتيا بەلسەندىلەرى SCAT اۋەكومپانياسىنىڭ باسشىلىعىمەن جانە ۇجىمىمەن كەزدەستى. كەزدەسۋ بارىسىندا حالىقارالىق اۋەجاي قۇرىلىسى ماسەلەلەرى تالقىلاندى. جيىن بارىسىندا قۇرىلىستى ينۆەستور جۇرگىزەتىنى, وبەكتىدە نەگىزىنەن وتاندىق ءوندىرىستىڭ قۇرىلىس ماتەريالدارى پايدالانىلاتىنى جانە جۇمىسقا جەرگىلىكتى كادرلار تارتىلاتىنى دا ءسوز بولدى. تەرمينال ءتورت قاباتتى بولادى دەپ جوسپارلانۋدا, وسىلايشا ساعاتىنا 2 مىڭ جولاۋشىنى قابىلداۋ مۇمكىن بولماق. اۋەكومپانيا پرەزيدەنتى ۆلاديمير دەنيسوۆتىڭ ايتۋىنشا, بۇل ۇلكەن اۆياتسيالىق حابقا اينالادى. پارتيا توراعاسى ازات پەرۋاشەۆ مەگاپوليستە ءىرى نىساندار سالۋدىڭ ماڭىزىن اتاپ ءوتتى.
ۇگىت-ناسيحات توبى وڭتۇستىك وڭىرگە ساپارى بارىسىندا ارىس قالاسىنداعى SGM-group كومپانياسىنىڭ تەمىر جول دەپوسىندا بولدى. مەكەمەدە 200 ادام جۇمىس ىستەيدى, قىزمەتكەرلەردىڭ باسىم كوپشىلىگى – جاستار. كەزدەسۋدە «اق جول» دەموكراتيالىق پارتياسىنىڭ ۇستانىمدارىن تالقىلاۋمەن بىرگە, جۇمىسشىلاردى الاڭداتاتىن پروبلەمالار جونىندە دە پىكىر الماستى.
پارتيا توراعاسىنىڭ ورىنباسارى, ءماجىلىس دەپۋتاتتىعىنا كانديدات قازىبەك يسا دا ارىس قالاسى تۇرعىندارىنىڭ سۇراقتارىنا جاۋاپ بەرىپ, پارتيا ۇستانىمىن جەتكىزدى.
«اق جول» دەموكراتيالىق پارتياسىنىڭ رەسپۋبليكالىق شتاب مۇشەلەرى تۇركىستان وبلىسىنا ساپارىندا «كومبينات فاراب» زاۋىتىنىڭ ۇجىمىمەن كەزدەستى. كەزدەسۋ بارىسىندا پارتيا توراعاسى ازات پەرۋاشەۆ ء«بىز ءوزى تابىس تاباتىن, بيۋدجەتكە سالىق تولەيتىن جانە جۇمىسپەن قامتيتىن كاسىپكەرلەردى قولداۋىمىز كەرەك», دەپ اتاپ ءوتتى. ول «اق جول» پارتياسىنىڭ سايلاۋالدى باعدارلاماسىندا دا كاسىپكەرلىكتى قولداۋعا باسا نازار اۋدارىلعانىن باياندادى.
«پاندەميا كەزىندە كاسىپورىنداردا جۇمىس ىستەگەن مىڭداعان ادام جالاقىسىز قالدى. ءبىز مۇنداي جاعدايعا جەتكىزبەس ءۇشىن كاسىپكەرلەرگە قولداۋ كورسەتۋىمىز قاجەت. كاسىپورىن كوپ بولسا, جۇمىس ورنى كوپ بولادى. جۇمىس كوپ بولسا, ءاربىر وتباسىنىڭ كۇن كورىسى جاقسارادى. ءبىزدىڭ باعدارلاما كاسىپكەرلىكتى جانە قاتارداعى قازاقستاندىقتاردىڭ مۇددەلەرىن قورعاۋدى ماقسات ەتەدى», دەدى ا.پەرۋاشەۆ.
سونداي-اق زاۋىت جۇمىسشىلارىنا پارتيانىڭ سايلاۋالدى باعدارلاماسىنىڭ باسقا دا باعىتتارى ءتۇسىندىرىلدى. تۇركىستاندىق سايلاۋشىلاردىڭ ماسەلەلەرىن مۇقيات تىڭداعان كانديداتتار نازارعا الۋعا ءسوز بەردى.