شىمكەنت قالاسىندا بيىلعى جىلدىڭ 11 ايىندا 32857 ازامات «ەڭبەك» مەملەكەتتىك باعدارلاماسىنا قاتىسقان. اۋقىمدى شارا اياسىندا 20 مىڭنان استام تۇرعىن جۇمىسپەن قامتاماسىز ەتىلىپ, ونىڭ ىشىندە 9802-ءسى تۇراقتى جۇمىسقا ورنالاسقان, دەپ حابارلايدى Egemen.kz
شىمكەنت قالالىق حالىقتى جۇمىسپەن قامتۋ ورتالىعى ماماندارىنىڭ مالىمەتىنشە, الەۋمەتتىك جانە قوعامدىق جۇمىستار, جاستار پراكتيكاسى بويىنشا 8,5 مىڭنان استام ازامات جۇمىسقا ورنالاسقان.
بۇل تۇرعىدا قىسقا مەرزىمدى وقۋ كۋرستارىنىڭ كومەگى وراسان. ماسەلەن, قىسقا مەرزىمدى وقۋ كۋرستارىندا بيىل 2000-عا جۋىق ازامات ءتۇرلى ماماندىقتار بويىنشا ءبىلىم العان. ولاردىڭ تەڭ جارتىسى جۇمىسقا ورنالاستىرىلدى.
قوسىمشا سۇراقتار بويىنشا تەگىن 109 بىرىڭعاي بايلانىس نومىرىنە حابارلاسۋعا بولادى.
فوتو: بەرەكە سەيىتجاپپار