سولتۇستىك قازاقستان وبلىسىندا مەملەكەت باسشىسى قاسىم-جومارت توقاەۆتىڭ اتىنان 200 بالاعا اياز اتا مەن اقشاقار سىيلىق ۇلەستىردى, دەپ حابارلايدى Egemen.kz
ءداستۇرلى پرەزيدەنتتىك شىرشا بيىل «عاجايىپقا تولى جاڭا جىل!» اتاۋىمەن ۇيىمداستىرىلىپ, ونلاين فورماتتا ءوتتى. سقو-دا مەرەكەلىك شارانى بالالار الەۋمەتتىك جەلى جانە وبلىستىق تەلەارنا ارقىلى تاماشالاۋعا مۇمكىندىك الدى. ال ۇزدىك وقۋشىلارعا, ءتۇرلى بايقاۋلاردىڭ جەڭىمپازدارىنا, جەتىم جانە مۇگەدەك بالالارعا, كوپ بالالى جانە از قامتىلعان وتباسىلاردىڭ بالالارىنا, ەرەكشە ءبىلىم بەرۋدى قاجەت ەتەتىن بۇلدىرشىندەرگە – بارلىعى 200 ادامعا پرەزيدەنت قاسىم-جومارت توقاەۆتىڭ اتىنان جاڭا جىلدىق سىيلىقتار ۇلەستىرىلدى.
سولتۇستىك قازاقستان وبلىسىنىڭ اكىمى قۇمار اقساقالوۆ وقۋشىلاردى ونلاين قۇتتىقتاپ, تىلەگىن جەتكىزدى. سىيلىققا يە بولعانداردىڭ ءبىرى – لورد دارىندى بالالارعا مامانداندىرىلعان مەكتەپ-ليتسەي-ينتەرناتىنىڭ وقۋشىسى ايگەرىم ەسمانوۆا. 10 جاسار ايگەرىم وبلىستىق جانە رەسپۋبليكالىق تۋرنيرلەردىڭ جەڭىمپازى. ول مۋزىكا, كوركەم گيمناستيكا جانە شاحمات ۇيىرمەلەرىنە قاتىسادى.
«مەنى پرەزيدەنتتىڭ قۇتتىقتاعانىنا وتە قۋانىشتىمىن. ول كىسىنى دە كەلە جاتقان مەرەكەمەن قۇتتىقتاپ, ۇزاق عۇمىر تىلەيمىن. ىندەتتەن قۇتىلىپ, ەشكىم اۋىرماسا ەكەن دەپ تىلەيمىن. تەزىرەك سىنىپتاعى دوستارىمدى كورگىم كەلەدى», دەيدى ايگەرىم ەسمانوۆا.
سقو ءبىلىم باسقارماسى ءباسپاسوز قىزمەتىنىڭ مالىمەتىنشە, بالالارعا پرەزيدەنت اتىنان قۇتتىقتاۋ حات, ءتاتتى سىيلىقتار, پلانشەت جانە قازاق ەرتەگىلەرى مەن ابايدىڭ كىتاپتارى تابىس ەتىلدى.