2020 جىلعى 22 جەلتوقساندا شەكاراشىلار «جىبەك جولى» اۆتوموبيل وتكىزۋ پۋنكتىندە (تۇركىستان وبلىسى) «نانو» اتتى قىزمەتتىك ءيتتى پايدالانا وتىرىپ شەكارالىق باقىلاۋدى جۇزەگە اسىرۋ كەزىندە وزبەكستان رەسپۋبليكاسىنىڭ ازاماتىن ەسىرتكى زاتتارىن تاسىمالداۋعا ارەكەت جاساعانى ءۇشىن ۇستادى, دەپ حابارلايدى Egemen.kz قر ۇقك ءباسپاسوز قىزمەتىنە سىلتەمە جاساپ.
شەكارالىق نارياد قۇرامىنىڭ ءىس-قيمىلى ناتيجەسىندە قىزمەتتىك يت وسى ازاماتتىڭ سومكەسىنە بەلگى بەردى, جەكە تەكسەرۋ كەزىندە سومكەدە شەكارالىق باقىلاۋدان جاسىرىلعان قىرىنۋعا ارنالعان گەل تۇتىگىندەگى ەسىرتكى زاتى انىقتالدى.
جۇرگىزىلگەن ساراپتاما ناتيجەسىندە سالماعى 43,2878 گر «كەپتىرىلگەن ماريحۋانا» ەسىرتكى زاتى انىقتالدى.
جوعارىدا اتالعان ازامات پەن ەسىرتكى زاتتار تۇركىستان وبلىسى سارىاعاش اۋدانىنىڭ اۋداندىق پوليتسيا بولىمىنە تاپسىرىلدى. پروتسەستىك ارەكەتتەر جۇرگىزىلۋدە.
ۇقك شەكارا قىزمەتىنىڭ اۋماقتىق بولىمشەلەرى ەسىرتكى زاتتارىن تاسىمالداۋعا جول بەرمەۋ ماقساتىندا وتكىزۋ پۋنكتتەرىندە باقىلاۋدى كۇشەيتۋگە باعدارلانعان.