سەناتورلاردىڭ اتىراۋ وبلىسىنا جۇمىس ساپارى اياسىندا پارلامەنت سەناتى توراعاسىنىڭ ورىنباسارى قايرات يششانوۆ پەن پالاتانىڭ ەكونوميكالىق دامۋ جانە كاسىپكەرلىك كوميتەتىنىڭ حاتشىسى سارسەنباي ەڭسەگەنوۆ ماحامبەت اۋدانىندا بولدى, دەپ حابارلادى سەناتتىڭ ءباسپاسوز قىزمەتى.
سەناتورلاردىڭ اتىراۋ وبلىسىنا جۇمىس ساپارى اياسىندا پارلامەنت سەناتى توراعاسىنىڭ ورىنباسارى قايرات يششانوۆ پەن پالاتانىڭ ەكونوميكالىق دامۋ جانە كاسىپكەرلىك كوميتەتىنىڭ حاتشىسى سارسەنباي ەڭسەگەنوۆ ماحامبەت اۋدانىندا بولدى, دەپ حابارلادى سەناتتىڭ ءباسپاسوز قىزمەتى.
اۋدان حالقىمەن كەزدەسۋ بارىسىندا مەملەكەتتىك باعدارلامالاردى ىسكە اسىرۋ, ينفراقۇرىلىمداردى دامىتۋ, الەۋمەتتىك سالا نىساندارىنىڭ قۇرىلىسى ماسەلەلەرى تالقىلاندى. سەناتورلار اۋدان ەكونوميكاسىنىڭ ورنىقتى دامىپ كەلە جاتقانى تۋرالى حاباردار ەتىلدى. وندىرىستىك 4 كووپەراتيۆ, 600-گە جۋىق شارۋا قوجالىقتارى تىركەلگەن بولاتىن. جىل باسىنان بەرى وندىرىلگەن اۋىل شارۋاشىلىعى ونىمدەرىنىڭ جالپى كولەمى 2,7 ميلليارد تەڭگەنى قۇرادى.
بيىل مەملەكەتتىك باعدارلاما اياسىندا 660 جاڭا جۇمىس ورىندارى اشىلدى, ولاردىڭ ىشىندە 178-ءى تۇراقتى سيپاتقا يە. تۇرعىنداردىڭ «جۇمىسپەن قامتۋ - 2020» باعدارلاماسىنا قاتىسۋىنا سۇرانىس ارتا ءتۇستى. باعدارلاما ىسكە قوسىلعان ءۇش جىلدا 72 جوبا قارجىلاندىرىلدى.
* * *
پارلامەنت سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى سەرىك اقىلباي جانە وسى كوميتەتتىڭ مۇشەسى يۋري كۋبايچۋك قاراعاندى وبلىسىنداعى قۇقىق قورعاۋ ورگاندارىنىڭ باسشىلارى جانە قىزمەتكەرلەرىمەن كەزدەستى.
كەزدەسۋگە «نۇر وتان» پارتياسىنىڭ, وبلىستىق سوتتىڭ, وبلىستاعى جەتەكشى وقۋ ورىندارىنىڭ: ءىىم اكادەمياسىنىڭ, ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ جانە «بولاشاق» ۋنيۆەرسيتەتىنىڭ وكىلدەرى قاتىستى.
جۇزدەسۋ بارىسىندا جاڭا قىلمىستىق, قىلمىستىق-ءىس جۇرگىزۋ جانە قىلمىستىق-اتقارۋ كودەكستەرى جوبالارىنىڭ ەرەجەلەرى تالقىلاندى. قۇقىق قورعاۋ ورگاندارىنىڭ قىزمەتكەرلەرى مەن عالىمدار قىلمىستىق كودەكستىڭ جەكەلەگەن ەرەجەلەرىنە ۇسىنىستار ايتتى.
* * *
پارلامەنت ءماجىلىسىنىڭ دەپۋتاتتارى ەرسۇلتان بەكتۇرعانوۆ پەن جانات جاراسوۆ جامبىل وبلىسىندا سايلاۋشىلارمەن كەزدەسۋلەر وتكىزدى, دەپ حابارلادى وسى پالاتانىڭ ءباسپاسوز قىزمەتى.
دەپۋتاتتار «نۇر وتان» پارتياسى مەركى اۋداندىق فيليالىندا ازاماتتاردى جەكە وتىنىشتەرى بويىنشا قابىلدادى. قوعامدىق قابىلداۋ جۇمىسىنا دەپۋتاتتارمەن قاتار, «نۇر وتان» پارتياسى جامبىل وبلىستىق فيليالى توراعاسىنىڭ ءبىرىنشى ورىنباسارى م.بەرىك قاتىستى.
قابىلداۋ بارىسىندا 5 ازاماتتىڭ وتىنىشتەرى قارالدى. قابىلداۋعا كەلگەن ازاماتتار اۋدانداعى وزەكتى ماسەلەلەردى كوتەرىپ, وسى ماسەلەلەر بويىنشا جاۋاپتى مەكەمەلەرگە تاپسىرمالار بەرىلدى.