تۇركىستان وبلىسىنان مىڭنان اسا ادام سولتۇستىك وڭىرلەرگە قونىس اۋدارعان

تۇركىستاندىقتار قوستاناي, شىعىس قازاقستان, سولتۇستىك قازاقستان وبلىستارى جانە پاۆلودار وبلىسىنا قونىستاندى, دەپ حابارلايدى قازاقپارات ءتىلشىسى. جالپى سولتۇستىك وبلىستاردىڭ قاتارىن تولىقتىرعان تۇركىستاندىقتاردىڭ سانى 5 364 ادامدى قۇراپ وتىر.

ولار 1 494 وتباسىنىڭ مۇشەسى بولىپ تابىلادى. بۇل وڭىردەگى ۇگىت-ناسيحات جانە ءتۇسىندىرۋ جۇمىستارىنىڭ ناتيجەسىندە جۇزەگە اسقان. وبلىس اكىمدىگىنىڭ ۇيىمداستىرۋىمەن وسى باعدارلامانى ناسيحاتتاۋ بويىنشا ءوڭىردىڭ باق وكىلدەرى سقو, قوستاناي جانە اقمولا وبلىستارىندا بولىپ قايتتى. سونىمەن بىرگە «Nur Otan» پارتياسىنىڭ تۇركىستان وبلىستىق فيليالى اۋدان, قالالاردا تۇرعىندارمەن كەزدەسىپ, تەرىسكەيگە قونىس اۋدارۋدىڭ شارتتارى مەن ءتيىمدى تۇستارىن كەڭىنەن ناسيحاتتادى.

وسى جانە وزگە دە ماڭىزدى كورسەتكىشتەر قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆتىڭ تۇركىستان وبلىسىنا ساپارى بارىسىندا ايتىلدى. مينيستر وبلىستاعى حالىقتى الەۋمەتتىك قورعاۋ سالاسىنداعى مەملەكەتتىك ساياساتتى جۇزەگە اسىرۋ بارىسىنداعى 2020 جىلى اتقارىلعان جۇمىستارعا وڭ باعاسىن بەردى.

ايتا كەتەيىك, اعىمداعى جىلى ايماقتا جۇمىس بەرۋشىلەرگە شەتەلدىك جۇمىس كۇشىن جۇمىسقا تارتۋعا 770 كۆوتا ءبولىنىپ, 16 كاسىپورىندا 71 شەتەل ازاماتىنا رۇقسات بەرىلگەن بولاتىن.