شىمكەنت قالاسىندا 2020 جىلى 261 نىسان نەمەسە 416,8 شاقىرىم جولدار مەن كوشەلەر قۇرىلىس-جوندەۋ جۇمىستارىمەن قامتىلدى. ونىڭ 228 نىسانى نەمەسە 287,9 شاقىرىم جول اعىمداعى جىلى پايدالانۋعا بەرىلدى, دەپ حابارلايدى Egemen.kz
قالالىق جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنشە, 2021 جىلى اۆتوموبيل جولدارىن دامىتۋعا 32,3 ملرد. تەڭگە قارجى بولىنۋدە. جالپى 128 نىسان نەمەسە 253,1 شاقىرىم جولدار قۇرىلىس-جوندەۋ جۇمىستارىمەن قامتىلاتىن بولادى.
بۇگىندە قالادا ۇزىندىعى 13,3 شاقىرىمدىق 3 قۇرىلىس جانە 3 قايتا قۇرۋ نىساندارى پايدالانۋعا تاپسىرىلۋدا. اتاپ ايتقاندا, استانا داڭعىلىنىڭ جالعاسى (2,7 شاقىرىم), ارعىنبەكوۆ كوشەسىنىڭ قۇرىلىسى (3,0 شاقىرىم), اقتاس شاعىناۋدانى №61 مەكتەپكە كىرەبەرىس جولىنىڭ قۇرىلىسى, جىبەك جولى, تورەقۇلوۆ كوشەلەرىن قايتا قۇرۋ (2,2 شاقىرىم) جۇمىستارى اياقتالدى.
سونداي-اق, قالادا رىسقۇلوۆ-قوناەۆ كوشەلەرىنىڭ قيىلىسىندا جولايرىق قۇرىلىسى باستالعان بولاتىن. قازىرگى ۋاقىتتا نىساندا گاز, سۋ قۇبىرلارىن جانە ەلەكتر جەلىلەرىنىڭ ورنىن اۋىستىرۋ, توننەلدە تىرەۋ قابىرعالارىن ورناتۋ جانە ۋاقىتشا جوعارى ۆولتتى (ۆل-110) ەلەكتر جەلىلەرىنىڭ قۇرىلىس جۇمىستارى جۇرگىزىلۋدە.
قازىرگى تاڭدا جالپى ۇزىندىعى 3,3 شاقىرىمدىق ينجەنەرلىك جەلىلەر جانە 7500 تەكشە مەتر جەر جۇمىستارى ورىندالدى. اعىمداعى جىلعا قارالعان 550 ملن تەڭگە تولىعىمەن يگەرىلدى. قۇرىلىس جۇمىستارىنىڭ ءىى-كەزەڭىن 2021 جىلدىڭ قاڭتار ايىندا باستاۋ جوسپارلانۋدا.