كەشە ساعات 15-00 شاماسىندا قىزىلوردا وبلىسى پوليتسيا دەپارتامەنتىنىڭ جاڭاقورعان اۋداندىق پوليتسيا بولىمىنە 63 جاستاعى ايەل ءۇيىنىڭ جاتىن بولمەسىنەن قۇنى 300 مىڭ تەڭگە تۇراتىن تونى ۇرلانعانى تۋرالى ارىزدانعان, دەپ حابارلايدى Egemen.kz
اۋداندىق پوليتسيا قىزمەتكەرلەرى جۇرگىزگەن جەدەل ىزدەستىرۋ شارالارى ناتيجەسىندە وسى ۇرلىققا قاتىسى بار 2 ايەل انىقتالىپ, ۇستالدى. كۇدىكتىلەردەن ايعاق زات الىندى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 188-بابىنىڭ 3-بولىگىمەن (تۇرعىن ءۇي جايعا زاڭسىز كىرۋمەن جاسالعان ۇرلىق) سوتقا دەيىنگى تەرگەپ-تەكسەرۋ امالدارى جۇرگىزىلۋدە.