تالدىقورعان قالالىق اسكەري گوسپيتالىنىڭ باستىعى, مەديتسينا قىزمەتىنىڭ پولكوۆنيگى ا.م.كولباەۆ 11 ملن. تەڭگە ايىپپۇل تولەۋگە مىندەتتەلدى, دەپ حابارلايدى Egemen.kz
ال اتالعان اۋرۋحانانىڭ اعا مەدبيكەسى ا.د.ازيماحۋنوۆاعا 2 جىلعا باس بوستاندىعىن شەكتەۋ جازاسى بەرىلدى. ولار زاڭسىز اقشا العان دەگەن كۇدىك كەلتىرىلىپ وتىر.
«اتاپ ايتقاندا, قىزمەتكەردىڭ كوروناۆيرۋسپەن كۇرەس ءۇشىن جالاقىسىنا قوسىلعان قارجىنىڭ 50% نەمەسە 1 ملن تەڭگەسىن ونىڭ سەنىمىنە كىرە وتىرىپ, الداپ العان. بۇل رەتتە وعان جەكە ەڭبەك كەلىسىمشارتىنىڭ مەرزىمىن ۇزارتىپ بەرۋگە «قامقورلىق» جاسايمىن دەپ ۋادە بەرگەن دەگەن كۇدىك كەلتىرىلىپ وتىر», دەپ حابارلادى سىبايلاس جەمقورلىقپەن كۇرەس قىزمەتكەرلەرى ءىستىڭ ءمان-جايىنا توقتالا كەلە.
ۆەدومستۆونىڭ اقپاراتىنا سايكەس, كولباەۆ ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى.