اتىراۋداعى وبلىستىق بالالار اۋرۋحاناسى جانىنان وڭالتۋ ورتالىعى اشىلدى. ەندى مۇندا ەرەكشە كۇتىمدى قاجەت ەتەتىن بالالار تەگىن وڭالتۋ كۋرسىنان وتەدى, دەپ حابارلايدى Egemen.kz
وڭالتۋ ورتالىعى زاماناۋي مەديتسينالىق قۇرال-جابدىقتارمەن قامتىلدى. ورتالىقتىڭ كومەگىنە جۇگىنۋشىلەرگە 21 مامان مەديتسينالىق وڭالتۋدىڭ ەكى نە, ءۇش كەزەڭىن وتكىزەدى. مۇندا ايىنا 50, جىلىنا 600 بالانى قابىلداۋ كوزدەلىپ وتىر. بالالارعا كورسەتىلەتىن وڭالتۋ كۋرسىنىڭ مەرزىمى – 21 كۇن.