سقو پد قىزمەتكەرلەرى جەدەل ءىس-شارالار بارىسىندا پەتروپاۆل قالاسىنىڭ 29 جاستاعى تۇرعىنىنان 1944 جىلى جاساپ شىعارىلعان التى پاترونى بار زاڭسىز ساقتالعان «ناگان» رەۆولۆەرىن تاركىلەدى, دەپ حابارلايدى Egemen.kz.
ساراپتاما ناتيجەسى قارۋدىڭ اتۋعا جارامدى ەكەنىن انىقتادى. اتالعان فاكتى قر قىلمىستىق كودەكسىنىڭ 287-بابى «قارۋدى, وق-دارiلەردi, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ, بەرۋ, وتكiزۋ, ساقتاۋ, تاسىمالداۋ نەمەسە الىپ ءجۇرۋ» بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. كۇدىكتىگە قاتىستى كەلۋ تۋرالى مىندەتتەمە تۇرىندەگى ماجبۇرلەۋ شاراسى قولدانىلدى. پوليتسەيلەر وقيعانىڭ بارلىق ءمان-جايىن انىقتاۋعا باعىتتالعان قاجەتتى ءىس-شارالار جۇرگىزۋدە. سونىڭ ىشىندە «التىاتاردىڭ» باسقا قىلمىستارعا قاتىستىلىعى تەكسەرىلۋدە.
سولتۇستىك قازاقستان وبلىسى