الماتى وبلىسى اكىمىنىڭ وكىمىمەن عالياسقار تولەندى ۇلى سارىباەۆ كەربۇلاق اۋدانىنىڭ اكىمى بولىپ تاعايىندالدى, دەپ حابارلايدى
عالياسقار سارىباەۆ 1963 جىلى تۋعان. كيروۆ اتىنداعى قازاق مەملەكەتتىك ۋنيۆەرسيتەتىن, قازاق ەڭبەك جانە الەۋمەتتىك قاتىناستار اكادەمياسىن بىتىرگەن. ماماندىعى بويىنشا مەحانيك, زاڭگەر. ەڭبەك جولىن پاۆلودار زاۋىتىندا ينجەنەر-كونسترۋكتور بولىپ باستاعان.
ءار جىلدارى كەربۇلاق اۋداندىق كومسومول كوميتەتىنىڭ ءبولىم مەڭگەرۋشىسى, گۆارديا جانە كەربۇلاق اۋداندىق كومسومول كوميتەتىنىڭ ءبىرىنشى حاتشىسى, ى. التىنسارين اتىنداعى ورتا مەكتەپتىڭ ديرەكتورى, كەربۇلاق اۋداندىق جاستار ءىسى, تۋريزم جانە سپورت باسقارماسىنىڭ باسشىسى, كەربۇلاق اۋدانى اكىمى اپپاراتىنىڭ ۇيىمداستىرۋ جانە كادر جۇمىسى ءبولىمىنىڭ باس مامانى, ءبولىم مەڭگەرۋشى, «وتان» قوعامدىق ۇيىمىنىڭ ورتالىق كەڭەسى توراعاسىنىڭ ورىنباسارى, الماتى وبلىسىنىڭ قوعامدىق كەلىسىم جانە اقپارات باسقارماسىنىڭ ءبولىم باستىعى, ىشكى ساياسات باسقارماسى باستىعىنىڭ ورىنباسارى, تالدىقورعان قالاسى اكىمىنىڭ ورىنباسارى, وبلىستىق ىشكى ساياسات باسقارماسىنىڭ باستىعى, «Nur Otan» پارتياسى الماتى وبلىستىق فيليالى توراعاسىنىڭ ءبىرىنشى ورىنباسارى, الماتى وبلىسى اكىمىنىڭ كەڭەسشىسى, وبلىس اكىمى اپپاراتىنىڭ ادەپ جونىندەگى ۋاكىلى قىزمەتتەرىن اتقاردى.
2020 جىلدىڭ قىركۇيەگىنەن – وبلىستىق ىشكى ساياسات باسقارماسىنىڭ باسشىسى بولدى.