ورالدا ەكى جاستىڭ نەكەسى تۇزەتۋ مەكەمەسىندە قيىلدى, دەپ حابارلايدى Egemen.kz
نەكە قيۋ ءراسىمى باتىس قازاقستان وبلىستىق قىلمىستىق-اتقارۋ جۇيەسى دەپارتامەنتىنىڭ رۋ-170/3 مەكەمەسىندە ءوتتى. جازاسىن وتەپ جاتقان كۇيەۋ جىگىت قالىڭدىعىنىڭ تۇزەتۋ مەكەمەسى قابىرعاسىندا نەكەلەرىن قيۋعا كەلىسىم بەرگەنىنە ەرەكشە قۋانىشتى. ول ەندى سۇيگەنىنىڭ سەنىمىن اقتاپ, مەرزىمىنەن بۇرىن بوساپ شىعۋ ءۇشىن تارتىپكە باسا ءمان بەرمەكشى.
رۋ-170/3 مەكەمەسىنىڭ باستىعى ەرتاي شاكەنوۆ جاس جۇبايلاردى ومىرلەرىندەگى اسا ماڭىزدى وقيعامەن قۇتتىقتاپ, الداعى ۋاقىتتا جاراسىمدى عۇمىر كەشۋلەرىنە تىلەكتەستىگىن ءبىلدىردى.
«نەكە قيۋ – جاڭا ءومىردىڭ باستاماسى, جاس وتباسىنىڭ نەگىزى قالاندى. بولاشاقتا ەركىندىككە شىققاننان كەيىن زايىبى ەرىن قولداپ, قوعامعا تەز بەيىمدەلۋىنە كومەكتەسەدى, ءسابيلى بولىپ, باقىتقا بولەنەدى دەپ سەنەمىز», دەدى ە.شاكەنوۆ.