وسكەمەن قالاسىندا گەماتولوگيا ورتالىعى سالىنادى, دەپ حابارلايدى Egemen.kz
شقو اكىمى ءباسپاسوز قىزمەتىنىڭ مالىمەتىنە سۇيەنسەك, وڭىردە الداعى ۋاقىتتا گەماتولوگيا ورتالىعى بوي كوتەرەدى. قازىردە ورتالىققا مەديتسينالىق مامانداردى دايىنداۋ ماسەلەسى قاراستىرىلۋدا.
«وسكەمەندە ەلىمىزدەگى العاشقى گەماتولوگيا ورتالىعىنىڭ قۇرىلىسى باستالعان. وبلىستىق دەنساۋلىق ساقتاۋ باسقارماسى ءبىر اي ىشىندە شتاتتىق كەستە ازىرلەۋى قاجەت. ءبىزدىڭ ماقساتىمىز – دارىگەرلەر مەن مەدبيكەلەردى جىلىك مايىن ترانسپلانتاتسيالاۋ, ترانسفۋزيولوگيا جانە گەماتولوگيا باعىتتارى بويىنشا الىس جانە جاقىن شەتەلدەردىڭ جەتەكشى كلينيكالارىندا وقىتۋ», دەدى ايماق باسشىسى دانيال احمەتوۆ.
جوباعا سايكەس اتالعان ورتالىقتا گەماتولوگيا, جىلىك مايىن ترانسپلانتاتسيالاۋ ءبولىمى, سونداي-اق يگح پاتومورفولوگياسى, ترانسفۋزيولوگيا جانە كدز زەرتحانالىق توبى, پتر, فيش, گەنەتيكا زەرتتەحانالارى جۇمىس ىستەيدى دەپ جوسپارلانۋدا.