اقش-تىڭ دەترويت قالاسى رەسمي تۇردە بانكروت دەپ جاريالاندى. بۇل تۋرالى Ntdtv.ru حابارلادى.
«دەترويت قالاسى قارىزعا باتتى. ەندى ونىڭ نەسيە بەرۋشىلەرىنە اقشانى قايتاراتىن مۇمكىندىگى جوق», – دەپ شەشتى اقش-تىڭ فەدەرالدى سوتى. – بۇل اقش تاريحىنداعى ەڭ ءىرى مۋنيتسيپالدى بانكروت بولىپ وتىر. قازىرگى تاڭدا قالانىڭ قارىزى 18 ملرد. دوللاردى قۇرايدى».
قالانىڭ بانكروت دەپ تانىلۋى وعان نەسيە بەرۋشىلەردەن زاڭدى قورعانىس بولا الادى. ەندى ءبىر ايدىڭ ىشىندە دەترويت بيلىگى سوتقا قارىزدىڭ قۇرىلىمىن قايتا قاراۋ جونىندە جوسپار ۇسىنۋى كەرەك. ونىڭ ارقاسىندا قالا بيلىگى زەينەتاقى مەن وزگە دە بيۋدجەت قىزمەتكەرلەرىنە بەرىلەتىن تولەماقىنىڭ مولشەرىن تومەندەتۋگە مۇمكىندىك الادى. وسىعان وراي, امەريكا مەملەكەتتىك قىزمەتكەرلەرىنىڭ فەدەراتسياسى سوت شەشىمىنە قارسى اپەللياتسيالىق شاعىم بەردى.
سوڭعى ءجۇز جىلدا دەترويت اقش-تىڭ كولىك استاناسى اتانىپ كەلگەن. مۇندا «General Motors», «Ford» پەن «Chrysler» كومپانيالارىنىڭ شتاب-پاتەرلەرى ورنالاسقان. قالا ەكونوميكاسى اقش اۆتوكولىك ونەركاسىبىنىڭ داعدارىسىمەن بىرگە, شامامەن 40 جىل بۇرىن قۇلدىراي باستاعان ەكەن.
ايدار ورىسباەۆ.
دەرەككوز: Ntdtv.ru