جاركەنت قالاسىنداعى جەكەمەنشىك بالاباقشادا ءورت شىقتى. بۇل تۋرالى الماتى وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى, دەپ جازادى Egemen.kz.
اقپاراتقا سايكەس, توتەنشە وقيعا "دانا بالا" بالاباقشاسىندا بولعان. مەكەمە اسحاناسىنىڭ شاتىرى جانىپ كەتكەن. ءورت 40-45 مينۋتتا اۋىزدىقتالدى.
ء"ورت اۋماعى 90 شارشى مەتر. زارداپ شەككەندەر مەن قازا بولعاندار جوق. ءورت سوندىرۋشىلەر جەتكەنشە قىزمەتكەرلەر بالالاردى قاۋىپسىز جەرگە شىعارىپ ۇلگەردى", - دەدى الماتى وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
وتتى اۋىزدىقتاۋ ءۇشىن ءۇش ارنايى تەحنيكا جۇمىلدىرىلعان.