پارانى ايتارلىقتاي كولەمدە بەرگەندەردىڭ ءىسى بۇدان بىلاي اۋىر قىلمىس تۇرىنە جاتادى. بۇل تۋرالى تولىعىراق وكق الاڭىندا وتكەن ءباسپاسوز ءماسليحاتىندا قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ولجاس بەكتەنوۆ ايتىپ بەردى, دەپ حابارلايدى Egemen.kz
«قىلمىستىق جاۋاپكەرشىلىك زاڭسىز سىياقىنى الۋشىلارعا عانا ەمەس, دەلدالدار مەن پارا بەرۋشىلەرگە دە كۇشەيتىلدى. ماسەلەن, پارانى ايتارلىقتاي كولەمدە بەرگەندەر 5 جىلعا دەيىن باس بوستاندىعىنان ايىرىلسا (بۇل اۋىرلىعى ورتاشا قىلمىس سانالىپ كەلگەن), جاڭا رەداكتسياعا سايكەس, جازا 7 جىلعا دەيىن ۇزارتىلعان.ياعني بۇل قىلمىس اۆتوماتتى تۇردە اۋىر قىلمىس تۇرىنە ەنگىزىلدى. تيىسىنشە ولار مەرزىمىنەن بۇرىن بوساپ شىعۋ قۇقىعىنان ايىرىلىپ, بىردەن قاۋىپسىزدىگى تومەن تۇزەۋ مەكەمەسىندە جازاسىن وتەۋ مۇمكىندىگىنە يە بولمايدى», دەدى قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ولجاس بەكتەنوۆ وكق-دا وتكەن ءباسپاسوز ءماسليحاتىندا.
ونىڭ ايتۋىنشا, حالىق جەمقورلىققا قارسى كۇرەستىڭ كۇشەيتىلىپ كەلە جاتقانىن ءتۇسىنۋى كەرەك. «پارانى العاندار دا, بەرگەندەر دە قاتاڭ جازالانادى», دەدى ول.