الماتىدا «ادەمى بيزنەس ازيا» جاڭا جىلدىق فەستيۆالى ءوتىپ جاتىر. پاندەمياعا بايلانىستى بارلىق وقيعالاردى ونلاين رەجيمىندە كورۋگە بولادى. 27 جەلتوقسانعا دەيىن فەستيۆال قاتىسۋشىلارى مەن ساۋدا ورتالىعىنىڭ قوناقتارى وتاندىق وندىرۋشىلەر جارمەڭكەسىنەن كادەسىيلار تاۋىپ, تانىسادى, شەبەرلىك سىنىپتارى مەن سەمينارلارعا قاتىسادى, دەپ حابارلايدى Egemen.kz.
جاڭا فورماتتاعى فەستيۆالگە ەسىمعالي جۇمانوۆ, ليليا پوزدنياكوۆا, داۋرەنبەك بەكنازاروۆ, الماس نۇرعوجاەۆ, دينا بۋكسيكوۆا, ەرسايىن جاپاق, گۇلجانات قابيجانوۆا, گەورگي لي, زەينەلحان مۇحامەدجان سىندى جاڭا ەسىمدەر مەن تانىمال تالانتتاردان قۇرالعان 9 ادام ءوز تۋىندىلارىن ۇسىنىپ وتىر.
فەستيۆال الاڭىندا جاڭا جىلدىق ساتىلىمدار, سۇلۋلىق پەن ءسان يندۋسترياسىنان تسيفرلىق جانە ماركەتينگ سالاسىندا مامانداردان ماستەر-كلاستار وتكىزىلەدى. الەۋمەتتىك جەلىلەردە كورسەتىلەتىن ۇلكەن ساحنادا بيزنەس-سالانىڭ ءار ءتۇرلى توپتارىنىڭ بىلگىرلەرى وسى قيىن جىلدى قالاي باستان وتكەرگەندەرىن ايتىپ, تاجىريبەلىك كەڭەستەرىمەن بولىسەدى.
قازاقستاندىق سۋرەتشىلەردىڭ جۇمىستارى كورمەسىنە جانە ارت-مەنەدجمەنت بويىنشا شەبەرلىك سىنىپتارىنا بولەك ايماق ارنالعان. فەستيۆال ارت-زالىنىڭ كۋراتورى – سىنشى, ارت-مەنەدجەر, كاسىبي ونەر ديلەرى, ونەرتانۋشى دينا دۋسپۋلوۆا.
فەستيۆالدىڭ ماقساتى – ءبىر الاڭدا بيزنەس قاۋىمداستىق پەن كاسىپكەرلىكتى قولداۋ ينستيتۋتتارى مەن قوعامدىق ۇيىمداردىڭ وكىلدەرىنىڭ باسىن قوسۋ.
ء«يا, كۇردەلى ۋاقىتقا قاراماستان, ءبىز فەستيۆالدى ەكى فورماتتا – وففلاين جانە ونلاين رەجيمىندە تكىزىپ وتىرمىز. بيزنەسپەن اينالىساتىن ادامدار قاشان دا ادەمى. سوندىقتان فەستيۆالدىڭ اتاۋى دا – «ادەمى بيزنەس, ازيا». ال استرولوگيا بۇگىندە بىلاي دەيدى: «جەلتوقسان – ءبىز 18,5 جىلعا ارنالعان باعدارلامالىق كود جازاتىن ۋاقىت. بۇل ماڭىزدى تاڭداۋ: دۇرىس ەمەس نارسە جاساۋ, جوعالتۋ, سىندىرۋ, جويۋ, رەنجىتۋ جانە 20 جىلعا جۋىق ۋاقىت بويىنا كوڭىلسىز ءجۇرۋ نەمەسە ءوز-وزىڭە دەگەن سەنىمدىلىكپەن كورشىڭە, الەمگە دەگەن سۇيىسپەنشىلىگىڭ مەن قۇرمەتىڭمەن باتىل جانە شەشىمدى ارەكەت ەتۋ كەزەڭى. مەن دە سەنى قولدايمىن, سەن دە مەنى قولدا. ءوز كەزەگىندە ءبىزدى قازاقستاندا جۇمىس ىستەيتىن كومپانيالار, سەرىكتەستەرىمىز بەن دوستارىمىز دا قولدادى», دەيدى AV OVO اگەنتتىگىنىڭ ديرەكتورى, فەستيۆال ۇيىمداستىرۋشىسى ۆيكتوريا شين.
پاندەميا جاعدايىندا نەتۆوركينگ الاڭىن قۇرۋ دا وزىندىك سىناق دەپ ەسەپتەيدى فەستيۆالدىڭ ماركەتولوگى جانە ۇيىمداستىرۋشىسى سەرگەي كونەۆ.
ەڭ باستىسى, سوڭعى ءبىر جىلدا بارلىعى بىرەگەي تاجىريبە جيناقتادى. 2020 جىل بۇرىنعى ومىرگە ورالمايتىن نۇكتەگە اينالدى. پاندەميا الەمدى تىم وزگەرتتى.
«بىزگە ەندى جاڭاشا ويلاۋ كەرەك. ادامداردىڭ كوپشىلىگى پاندەميا كەتىپ, بۇرىنعى كۇندەرگە قايتا ورالاتىندىعىنا سەنەدى. الايدا ەندى ءومىر بۇرىنعىداي بولمايدى - ءبىر نارسە مىندەتتى تۇردە وزگەرەدى. سوندىقتان ءبىز قازىرگى شىندىقتىڭ سىن-قاتەرلەرىن قابىلداي وتىرىپ ءداستۇرلى جەلىگە ساندىق ەلەمەنت قوسامىز, بارلىق تانىمال پلاتفورمالاردى – YouTube, TikTok, Instagram, Facebook-تى بايلانىستىرامىز. مىسالى, ءالى دە تالاي ادام TikTok-تا قالاي ساتۋعا بولاتىنىن تۇسىنبەيدى. سوندىقتان وسى الەۋمەتتىك جەلىدە قالاي «العا جىلجۋدى» ايتىپ بەرەتىن سپيكەردى شاقىردىق. ءسىز بيزنەسمەن بولساڭىز دا, ءۇي شارۋاسىنداعى بولساڭىز دا, بارىنە اقشا تابۋى كەرەك», دەيدى سەرگەي كونەۆ.