شىعىس قازاقستان وبلىسى كۋرچاتوۆ قالاسىنىنىڭ كوپ قاباتتى ۇيلەرىنىڭ بىرىنەن ءۇش ەر ادامنىڭ ءمايىتى تابىلدى, – دەپ حابارلايدى Polisia.kz.
21 جەلتوقساندا كۋرچاتوۆ قالاسىندا اتىس قارۋىن پايدالانۋمەن اسا اۋىر قىلمىس جاسالدى. كوپ قاباتتى ۇيلەردىڭ بىرىندە ءۇش ەر ادامنىڭ ءمايىتى تابىلدى.
– الدىن الا مالىمەتتەر بويىنشا كىنالى ادام (قايتىس بولعانداردىڭ ءبىرى) ەر ادام قىلمىس جاساعاننان كەيىن ءوز-وزىنە قول جۇمساعان. قايتىس بولعانداردىڭ تۇرعالارى انىقتالدى, ولار كۋرچاتوۆ قالاسىنىڭ تۇرعىندارى, – دەدى پوليتسيا دەپارتامەنتىنىڭ باستىعى ساعات ماديەۆ.
قازىرگى ۋاقىتتا قر قك-ءنىڭ 99-بابى 2-بولىگى (ادام ءولتىرۋ) بويىنشا سوتقا دەيىنگى تەرگەۋ ارەكەتتەرى جۇرگىزىلۋدە. وزگە اقپارات تەرگەۋ امالدارىنىڭ جۇرگىزىلۋىنە بايلانىستى جاريا ەتۋگە جاتپايدى.
الەۋمەتتىك جەلىلەردە اتالعان فاكتى كۋرچاتوۆ قالاسىنىڭ كوشەلەرىندە ورىن العانى تۋرالى تاراتىلىپ جاتقان اقپارات شىندىققا جاتپايدى.