اتىراۋ وبلىسىنا جۇمىس ساپارى بارىسىندا Cىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ قالالىق مەملەكەتتىك مەكەمەلەردىڭ قايتا قۇرىلعان قىزمەتىمەن تانىسىپ, بيزنەس-قوعامداستىقپەن جانە جۇرتشىلىقپەن كەزدەسۋلەر وتكىزدى, دەپ حابارلايدى Egemen.kz.
بۇل كۇن «ازاماتتارعا ارنالعان ۇكىمەت» مەملەكەتتىك كورپوراتسياسى» كە اق اتىراۋ وبلىسى بويىنشا جاڭا فيليالىنا بارۋدان باستالدى. ول ءبىر مەزگىلدە 30 تۇتىنۋشىعا قىزمەت كورسەتىپ, حقكو ءۇشىن قالىپتى ەمەس جەر كاداسترى جانە جىلجىمايتىن م ۇلىكتى تەحنيكالىق تەكسەرۋ دەپارتامەنتى مەن زەينەتاقى تولەۋ جونىندەگى مەملەكەتتىك ورتالىق قىزمەتتەرىن كورسەتەدى.
مەملەكەتتىك مەكەمەلەر ۇسىناتىن قىزمەتتىڭ ساپاسىمەن تانىسۋدى جالعاستىرا وتىرىپ, شپەكباەۆ وبلىستىق سوت جانىنداعى قۇقىق قورعاۋ جانە تاتۋلاستىرۋ قىزمەتتەرى ورتالىعىنا جول باستادى. «ازاماتتارعا ىڭعايلى بولۋ ءۇشىن ءبىز قىزمەتتەر اۋقىمىن كەڭەيتتىك. ەگەر بۇرىن ورتالىق ازاماتتارعا تەك قۇقىقتىق كەڭەس بەرسە, قازىر ءوتىنىش بىلدىرۋشىلەر بىلىكتى زاڭگەرلىك, پسيحولوگيالىق جانە مەدياتيۆتىك كومەك الادى», – دەپ اتاپ ءوتتى وبلىستىق سوت توراعاسى ب. جۇماعۇلوۆ.
ودان كەيىن اگەنتتىك توراعاسى اتىراۋ قالاسى سەرۆيستىك اكىمدىگىنىڭ قىزمەتىمەن تانىستى. ءبىرىنشى قابات ىڭعايلى قىزمەت كورسەتۋ ءۇشىن تولىعىمەن قايتا جاساقتالعان. سونداي-اق, جەدەل ءوزارا ارەكەتتەسۋ ءۇشىن قىزمەتكەرلەر, سونىڭ ىشىندە مەنەدجەرلەر open space جۇمىس نىسانىنا كوشتى.
سەرۆيستىك اكىمدىك عيماراتىندا شپەكباەۆ تۇرعىن ءۇي, جەر الۋ جانە تۇرعىن ۇيلەرگە جوندەۋ جۇمىستارىن جۇرگىزۋ ماسەلەلەرى بويىنشا ازاماتتاردى جەكە قابىلدادى.
سونداي-اق, ۆەدومستۆو باسشىسى ح.دوسمۇحامەدوۆ اتىنداعى اتىراۋ ۋنيۆەرسيتەتىنە تابان تىرەپ, «سانالى ۇرپاق» جەمقورلىققا قارسى جوباسىنىڭ قىزمەتىمەن تانىستى جانە ZOOM ارقىلى ستۋدەنتتەرمەن كەزدەستى.
سىبايلاس جەمقورلىققا قارسى ۆەدومستۆو باسشىسى ا.شپەكباەۆتىڭ بيزنەس-قاۋىمداستىقپەن كەزدەسۋى جۇمىس ساپارىنىڭ وزەگىنە اينالىپ, ونىڭ بارىسىندا كاسىپكەرلەردى تولعاندىراتىن ماسەلەلەر تالقىلاندى.
اڭگىمە بارىسىندا اگەنتتىك توراعاسى مەملەكەتتىڭ ەكونوميكاداعى رەتتەۋشى ءرولىن تومەندەتۋ جانە كاسىپكەرلىك قىزمەتكە زاڭسىز ارالاسۋعا جول بەرمەۋ قاجەتتىگىن تاعى دا اتاپ ءوتتى.