قالالىق ءماسليحات وتىرىسىندا امۋرسكايا كوشەسىن ۇلاعاتتى ۇستاز, كسرو مەملەكەتتىك سىيلىعىنىڭ لاۋراەتى, «قۇرمەت» وردەنىنىڭ يەگەرى قانيپا بىتىباەۆا كوشەسى دەپ وزگەرتۋ تۋرالى ۇسىنىس ءبىراۋىزدان قولداۋ تاپتى, دەپ حابارلايدى Egemen.kz
ەستەرىڭىزدە بولسا, گازەتىمىزدىڭ 30 قاراشاداعى نومىرىنە «بىتىباەۆانىڭ اتىنا ءبىر كوشە بۇيىرماي تۇر» اتتى ماقالا شىققان-تۇعىن. سونداي-اق, وناماستيكا ماسەلەسى شىعىس قازاقستانداعى «التاي اسۋ» قوعامدىق بىرلەستىگىنىڭ ۇنەمى نازارىندا.
«قانەكەڭ دۇنيەدەن وزعالى 6 جىلدان استى. ول كەمەڭگەرىمىزدىڭ ەسىمىن ماڭگىلىكتەۋ ماقساتىندا وبلىس اكىمى دانيال احمەتوۆكە, قالا اكىمىنە جازۋشىلار وداعىنىڭ وبلىستاعى فيليالى, «التاي اسۋ» قب-ءى, قالاداعى زيالىلاردىڭ, ۇساتازدىڭ شاكىرتتەرى اتىنان بىرنەشە مارتە سۇرانىس-حاتتارىن جازدىق. ول تالاپ-تىلەكتەردىڭ مازمۇنى جالقى: بىتىباەۆاعا ءوزى عۇمىر بويى قىزمەت ەتكەن جامبىل اتىنداعى مەكتەپ-گيمنازيانىڭ اتىن, ءوزى تۇرعان كوشەنىڭ اتاۋىن بەرۋ. جولدانعان حاتتاردىڭ كىرگەن ءىزى بار دا, شىققان ءىزى جوق» – دەپ جازعان جازۋشىلار وداعىنىڭ شىعىس قازاقستان وبلىسىنداعى فيليالىنىڭ توراعاسى الىبەك قاڭتارباەۆ.
كوپ تىلەگى كول. ەندى وسكەمەندەگى امۋرسكايا كوشەسى قانيپا ۇستازدىڭ اتىمەن اتالادى.
وسكەمەن قالاسى