ۇلىبريتانيا بيلىگى روجدەستۆو مەرەكەسى كەزەڭىندە شەكتەۋ شارالارىن جەڭىلدەتۋگە ارنالعان جوسپارىنان تولىقتاي باس تارتتى. وعان سەبەپ, مەملەكەت ىشىندە كوروناۆيرۋستىڭ جاڭا شتامىنىڭ تارالۋى. لوندون, ۋەلس, شوتلانديا جانە انگليانىڭ وڭتۇستىك-شىعىس ايماقتارىندا 20 جەلتوقسان ساعات 00.00-دەن باستاپ, 30 جەلتوقسانعا دەيىن ەڭ جوعارى - ءتورتىنشى دەڭگەيدەگى كارانتين ەنگىزىلدى.
ەلدە بارلىق دۇكەندەر ء(بىرىنشى كەزەكتەگى تاۋارلاردى ساتانىن دۇكەندەردى قوسپاعاندا), سۇلۋلىق سالوندارى مەن سپورت كلۋبتارى جابىلۋدا.⠀ەلدىڭ پرەمەر-ءمينيسترى بوريس دجونسوننىڭ ايتۋىنشا, VUI-202012/01 دەپ اتالعان COVID-19 جاڭا مۋتاتسياسى تارالۋ قارقىنىنا جوعارى بولعاندىقتان ادامدارعا اسا قاۋىپتى بولىپ كەلەدى. بۇگىنگى كۇنى لوندونداعى COVID-19 جۇقتىرعانداردىڭ 60% استامىندا وسى ەرەكشە شتامم انىقتالعان. سونىمەن قاتار, الدىن-الا مالىمەتتەر بويىنشا, اتالعان مۋتاتسيا الدىڭعى شتاممعا قاراعاندا جۇقپالىلىعى 70% جوعارى بولۋى مۇمكىن.