شىمكەنت قالاسىندا اگرو-يندۋستريالدى ايماعى جوباسى اياسىندا جىلىجاي كەشەنىن سالۋ جوسپارلانعان. قالا اۋماعىنان 136 گا جەر ءبولىنىپ, بۇگىندە قۇرىلىس جۇمىسى باستالعان. جوبانىڭ تولىق ىسكە قوسىلۋى ەكى كەزەڭنەن تۇرادى. ءبىرىنشى كەزەڭدە 8 ينۆەستورعا 30 گا جەرگە جىلىجاي سالۋ ءۇشىن 12 جىلعا جالعا بەرىلدى. ال ەكىنشى كەزەڭدە 60 گا جەرگە 20 جوبانى جۇزەگە اسىرۋ جوسپارلانعان, دەپ حابارلايدى Egemen.kz
شاھاردا ىسكە اسىرىلاتىن جوبانىڭ ءبىرى - اۋىل شارۋاشىلىعى ونىمدەرىن قايتا وڭدەيتىن «بوزارىق» تاماق ونەركاسىبى يندۋستريالدى ايماعى.
قاينار بۇلاق تۇرعىن الابى ماڭىندا ىرگەسى قالانىپ وتىرعان ايماقتا بيولوگيالىق قوسپالارى بار قۇنارلى قۇراما جەم («Tengri World» جشس) جانە ءسۇت ءوندىرۋ زاۋىتىن سالۋ («بالمۇزداق»جشس)جوسپارلانعان. سونداي-اق, شەت ەل ينۆەستورلارىمەن بىرلەسە ءسۇت, ەت, جەمىس پەن كوكونىستى قايتا وڭدەيتىن, كونسەرۆىلەيتىن جوبالاردى ىسكە اسىرۋ كوزدەلگەن.
سونىمەن قاتار, شىمكەنتتە جىل باسىنان بەرى قالادا اگرو-ونەركاسىپتى ينۆەستيتسيالاۋ جانە نەسيەلەندىرۋ جۇمىسى تابىستى جۇزەگە اسىرىلعان. بيىل وسى سالادا جالپى قۇنى 7,6 ملرد تەڭگە بولعان 18 ينۆەستيتسيالىق جوبانى ىسكە اسىرۋ جوسپارلانىپ, بۇگىنگى تاڭدا جالپى ينۆەستيتسيا قۇنى 5,3 ملرد تەڭگەگە 10 جوبا تولىعىمەن ىسكە قوسىلدى. ناتيجەسىندە اۋىل شارۋاشىلىعى جانە تاماق ونىمدەرىن وندىرۋدەگى نەگىزگى كاپيتالعا 7,3 ملرد تەڭگە ينۆەستيتسيا تارتىلىپ, وتكەن جىلدىڭ 11 ايىمەن قالىستىرعاندا 3,0 ملرد تەڭگەگە وسكەن.