«قتج-جۇك تاسىمالى» جشس قازىعۇرت ستانساسىندا 2 جاسار ءسابيدىڭ ۆاگون استىنا ءتۇسىپ مەرت بولۋىنا قاتىستى مالىمدەمە تاراتتى, دەپ حابارلايدى Egemen.kz
«بۇل اتا-انا ءۇشىن ورنى تولماس قايعى. بالادان ايىرىلۋدان اسقان قايعى دا, قاسىرەت تە جوق. شىنىمەن دە, 2020 جىلدىڭ 18 جەلتوقسانىندا ساعات 16:35-تە جۇك تاسىمالىنىڭ شىمكەنت بولىمشەسىنە قاراستى قازىعۇرت ستانساسىندا ۆاگونداردىڭ استىمەن جۇرگەن 2 جاسار ءسابي اۋىر جاراقاتتان مەرت بولدى. قايعىلى وقيعا مانەۆر جۇمىستارى بارىسىندا بولدى. وقيعانىڭ بارلىق ءمان-جايىن ارناۋلى قۇرىلعان كوميسسيا انىقتايتىن بولادى», دەلىنگەن كومپانيا تاراتقان اقپاراتتا.